Ɨkalata ɨja Paulo kʉ
Vagalatia
Ɨmhola ɨndongosi
Ɨkalata ɨjɨ alyalembile ʉnsungʼhua ʉPaulo. Alyavalembiile avɨtɨki ava mʉ kɨghavo ɨkya Galatia. Ɨkɨghavo ɨkya Galatia kɨlyale pakate pa ɨɨsi jɨno mʉ fighono ifi jitambʉlua Vʉtuluki. ɄPaulo nʉ Balinaba valyapʉlisie ɨMhola ɨNofu ɨja Yesu mʉ makaaja ghamonga agha mʉ Galatia. Avaanhu vinga valyɨtiike ɨMhola ɨjio, vakava vɨtɨki (Mbombo sa Vasungʼhua 13–14). Neke ye ghʉkilile ʉnsiki nʼdebe, avaanhu vamonga vakiisa kʉkʉvavʉlanɨsia avɨtɨki kuuti vavɨngɨlɨlaghe indaghɨlo ni nyiiho isa Vayahudi. Kange, vavombelwaghe ɨkɨvʉngo ɨkya kʉdumula ɨngola ɨja kɨdɨɨmi. Pepano ʉPaulo ɨkʉvakʉmbʉsia avɨtɨki kuuti ʉNgʉlʉve naɨkʉvapoka avaanhu vwɨmɨla kuvɨngɨlɨla inyiiho simonga, looli ɨkʉvapoka vwɨmɨla kʉkʉmwɨtɨka ʉYesu Kɨlɨsite. Ɨkʉvavʉʉla vʉle valyajovile avasungʼhua va Yesu ye vakongʼhanile kʉ Yelusalemu (Mbombo sa Vasungʼhua 15).