Titu i

Sura ni Suro Paulu anu napakatu si

Titu

Pepuua lolita

I Titu ei, baria toYahudi, agaiana masaemo mepotuu si Pue Yesu. Mobago simbela ia ai i Paulu mampopolumako bago ni Pue i lewuto nu Kreta. Banimpia i Paulu mopalengi i Titu i lewuto nu Kreta, bona mopatudu liliu ia topepotuu si Pue Ala i se etu.

I Paulu mouki sura ei bona i Titu manginsani adiwa dalana mokadipuraka sira topepotuu si Pue Ala anu ria i Kreta. Napopaingaaka i Titu, kono i babeia anu sintoto i tau anu ina mewali tadulako nu topepotuu si Pue Ala. Roo awetu, napatudu mbui i Titu adiwa dalana mopaguru sira, ewa: patudu i tau anu matua, patudu i tau anu mangura mani, ai patudu i tau anu batua katuwura. Kasopoana, i Titu rapatuduka adiwa kamonsona babeia nu topepotuu si Pue Ala. Pandirina bona mombepokaasi sira ai inee sira mobungka-bungka.

Isi nu Sura

1. Pepuua lolita (1:1-4)

2. Patudu kono i tadulako nu topepotuu si Pue Ala (1:5-16)

3. Patudu anu mopakanoto apa anu sintoto rababei nu topepotuu si Pue Ala anu matua, anu mangura mani, ai anu batua katuwura (2:1-15)

4. Patudu i ope-ope topepotuu si Pue Ala (3:1-11)

5. Pamperade kasopoa ai tabea (3:12-15)