Pilemo i

Sura ni Suro Paulu anu napakatu si

Pilemo

Pepuua lolita

I Paulu mopakatu sura ei, i pokana sampepepotuuna anu rasanga i Pilemo. I Pilemo meari i kota Kolose, ai ria sadua batua anu rasanga i Onesimus anu mensila lako si Pilemo lau i kota Roma. Ni tempo etu, i Paulu ratarunggu i Roma nakenimpobagona mobambari Bambari Malompe. I Onesimus mampomberumpaka i Paulu i kota Roma, ai i pangepena Bambari Malompe, mewali mepotuu mbui ia si Pue Yesu.

Lako ni se etu, nauli ni Paulu si Onesimus, “Aginamo mesola iko lau i tuamu.” Agaiana maeka i Onesimus mesola lau si Pilemo, nauli, “Ane mesola aku, ina nasuku aku lawi mensila aku lako si ia.” Nauli ni Paulu, “Baria iko ina nasuku, lawi ina kuukika ia sambua sura. Ina kuperade bona naampuni iko.” Mewali, i rara nu sura ei, i Paulu merade bona i Pilemo moampuni i Onesimus. Naperade mbui bona nadoko mpesola i Onesimus lako i rarana, ai bariamo naimba wule ewa batuana, agaiana naimbada ewa pokana sampepepotuuna.

I rara basa Yunani, Onesimus lempona “mobundu.” Nauli ni Paulu, ni banimpia i Onesimus baria mobundu i tuana. Agaiana ei-ei, mobundu mpii lawi mepotuumo ia si Pue Yesu (kirana 11).

Isi nu Sura

1. Pepuua lolita (-1-3)

2. I Paulu motoia i Pilemo nakeningkabose nu asina ai karoso nu pepotuuna (-4-7)

3. I Paulu merade bona i Pilemo moampuni i Onesimus (-8-22)

4. Tabea ai lolita kasopoana (-23-25)