Sura ni Suro Paulu anu mpolinguruna napakatu si
Timotiu
Pepuua lolita
I Paulu mopakatu sura ei si Timotiu, sadua tomoane anu mangura mani anu mamporangai i Paulu ni banimpia i polumakoana mobambari Bambari Malompe. Tuama ni Timotiu etu toYunani ai tinana toYahudi (Suro 16:1). Tempo ni Paulu mouki sura ei, i Timotiu ria i kota Epesu, ai i Paulu ria i Makedonia (1:3).
Ria basangkia tunggaia ni Paulu mouki sura ei. Kaisa, moparenta i Timotiu bona moewa liliu tau anu mangkeni patudu anu mepakanawu. Pepatudu nu tau aretu mokabelai lolita lako i Atura ni Musa, agaiana baria mamonso pangulara. Mangula pepatudura, sangangaa mampeulai kita atura-atura bona mansumba kita katuwu malompe. Ane aturara etu, maisi mpangkana; pandirina baria kita pensani motombi, ai baria kita pensani mangkoni anu rapalia.
Kadua, i Paulu mopadongka si Timotiu dala mourusi bago i paminggua. Napakanotoka adiwa pangkeniakara tau anu pensani raongko mewali penatua ai diaken.
Kasopoana, i Paulu mopatuduka i Timotiu adiwa dala bona mewali ia sadua batua ni Pue Yesu anu malompe. Napatuduka mbui bona malompe pangkeniakana ai malompe pokadipurakana ope-ope pokana sampepepotuuna.
Isi nu Sura
1. Pepuua lolita (1:1-2)
2. I Paulu mopadongka si Timotiu dala mokadipuraka pokana sampepepotuuna, ai napatuduka kono i babeia anu sintoto i tadulako nu topepotuu si Pue Ala (1:3–3:16)
3. I Paulu mopatudu i Timotiu kono i pobagona (4:1–6:21)