1 NJOANA
Mantû ma baarûa îno
Gîtûmi kîra kînene kîa Njoana kwandîka baarûa îno, i kwîra Akîrîstû beemenyeere kîrî ûrutani bwa ûrongo. I kwarî na iroria bia ûrongo biingî biathiiyaga bikîrutanaga atî Yiesû Kîrîstû ataarî muntû wengwa. I ntûma Njoana akwonania Yiesû aarî muntû ta bara bangî.
Kaîrî Njoana arîenda gwîkîra Akîrîstû wîru batûûraga barî na ngwatanîro na Ngai Baaba na Mwana wake, Yiesû Kîrîstû. Muntû ûra augaga naiyî Ngai, nwa mwanka atûûre ûtûûro bwagîru. Yathana rîa Ngai rîra rînene kîrî Akîrîstû rîra babatîîrue kwathîkîra i kwendanaga, ta bûra Ngai atwendeete.
Na kaîrî Njoana arîtwîra gûtirî muntû aûmba kuuga atiîyagia. Kwoogu Mûkîrîstû akaaya kwîyia abatîîrue aumbûrîra Ngai meeyia maake, na Ngai akamûrekera n'ûntû bwa Kîrîstû.
Gwookubî baarûa îno îkarî ûûgû:
Kiugo kîra kîeyanaga mwoyo 1:1-4
Gûtûûra werûûni 1:5-2:6
Yathana rîîyerû 2:7-17
Aregi Kîrîstû na aana ba Ngai 2:18-3:24
Ûmma na ûrongo 4:1-6
Wendo bwa Ngai na wendo bwetû 4:7-21
Gwîtîgia Kîrîstû i gûtûmaga tûûmbana gûkû nthîgûrû 5:1-21