7
1 Nyuma ya rûthingo kûrîîka na mîrango yonthe kûthuuranîrwa, akaria ba mîîrîga, aini na Arawi bathuurwa. 2 Ndathurire mûruayia Anani arî mûkaria wa Njerusaremu barî na Anania ûra aarî mûnene wa njûûrî Njerusaremu n'ûntû aarî muntû aakuthûkîîte Ngai nkûrûki ya antû bara bangî bonthe. 3 Ndabeera, “Mîîrîga îtikaarugûrwe mwanka rîra riûa rîkaara. Mbere akaria batirathi, nwa mwaka mîrango yonthe yiingwe na iburî. Thuurani akaria kuuma kîrî atûûri ba Njerusaremu, bamwe beegue barî ara babatîîrue beegua barî na bara bangî beegue barî akubî na nyomba ciao.”Mariîtwa ma agwate bara baacookire
4 Taûni ya Njerusaremu yarî îmbariî na înene, îndî atûûri baarî baakai na nyomba itaarî gwakwa. 5 Kwoogu Ngai aanenkera nkoro ya kwîthîrania atongoria na antû bonthe kaingo menya mîciî yao. Ndaagwata îbuku rîa mîciî ya antû bara baacookire rîa mbere na i bo baandîkîîtwe ndeeni.
6 Baba i bo antû bara baacookire kuuma ûkombooni, agwate bara Nebukandinesa mûnene wa Mbabironi aagwete barî mîgwate aira Mbabironi. Baacookire Njerusaremu na Njunda, wa muntû taûniini yake. 7 Baatongoreetue i Serubaberi, Njesua, Neemia, Asaria, Ramia, Naamani, Morindekai, Mbirisani, Misiperethi, Bigibai, Neumu na Baana. Ûyû nuu mûgana wa antû ba Isiraeri bara baacookire kuuma ûkombooni:
8 Nciarwa cia Parosi baarî ngiri ciîrî îgana rîmwe rîa mîrongo mûgwanja na baîrî. 9 Nciarwa cia Sefatia baarî magana mathatû ma mîrongo mûgwanja na baîrî. 10 Nciarwa cia Ara baarî magana mathanthatû ma mîrongo îtaano na baîrî. 11 Nciarwa cia Paathi-Moabu, (nciarwa cia Njesua na Njoabu) baarî ngiri ciîrî magana manaana ma îkûmi na inyanya. 12 Nciarwa cia Eramu baarî ngiri îmwe magana maîrî ma mîrongo îtaano na bana. 13 Nciarwa cia Satu baarî magana manaana ma mîrongo îna na bataano. 14 Nciarwa cia Sakai baarî magana mûgwanja ma mîrongo îthanthantû. 15 Nciarwa cia Binui baarî magana mathanthatû ma mîrongo îna na banaana. 16 Nciarwa cia Bebai baarî magana mathanthatû ma mîrongo îîrî na banaana. 17 Nciarwa cia Asigandi baarî ngiri ciîrî, magana mathatû ma mîrongo îîrî na baîrî. 18 Nciarwa cia Andonikamu baarî magana mathanthatû ma mîrongo îthanthantû na mûgwanja. 19 Nciarwa cia Bigibai baarî ngiri ciîrî na mîrongo îthanthantû na mûgwanja. 20 Nciarwa cia Andini baarî magana mathanthatû ma mîrongo îtaano na bataano. 21 Nciarwa cia Ateri (gûkûrûkîîra Esekia) baarî mîrongo kenda na banaana. 22 Nciarwa cia Asumu baarî magana mathatû ma mîrongo îîrî na banaana. 23 Nciarwa cia Besai baarî magana mathatû ma mîrongo îîrî na bana. 24 Nciarwa cia Aribu baarî îgana rîmwe rîa îkûmi na baîrî. 25 Nciarwa cia Ngibeoni baarî mîrongo kenda na bataano.
26 Nciarwa cia Bethireemu na Netofa baarî îgana rîmwe rîa mîrongo înaana na banaana. 27 Nciarwa cia Anathothi baarî îgana rîmwe rîa mîrongo îîrî na banaana. 28 Nciarwa cia Bethi-Asimabethi baarî mîrongo îna na baîrî. 29 Nciarwa cia Kiriathi-Njearimu, Kefira na Beerothi baarî magana mûgwanja ma mîrongo îna na bathatû. 30 Nciarwa cia Rama na Ngeba baarî magana mathanthatû ma mîrongo îîrî na ûmwe. 31 Nciarwa cia Mikimasi baarî îgana rîmwe rîa mîrongo îîrî na baîrî. 32 Nciarwa cia Betheri na Ai baarî îgana rîmwe rîa mîrongo îîrî na bathatû. 33 Nciarwa cia Nebo îra îîngî baarî mîrongo îtaano na baîrî. 34 Nciarwa cia Eramu ira îîngî baarî ngiri îmwe, magana maîrî ma mîrongo îtaano na bana. 35 Nciarwa cia Arimu baarî magana mathatû ma mîrongo îîrî. 36 Nciarwa cia Njeriko baarî magana mathatû ma mîrongo îna na bataano. 37 Nciarwa cia Rondi, Andindi na Ono baarî magana mûgwanja ma mîrongo îîrî na ûmwe. 38 Nciarwa cia Senaa baarî ngiri îthatû, magana kenda ma mîrongo îthatû.
39 Baba i bo athînjîri ba Ngai bara baacookire kuuma ûkombooni: Ba mûciî wa Njendaya bara baarî nciarwa cia Njesua baarî magana kenda ma mîrongo mûgwanja na bathatû. 40 Nciarwa cia Imeri baarî ngiri îmwe na mîrongo îtaano na baîrî. 41 Nciarwa cia Pasiuri baarî ngiri îmwe, magana maîrî ma mîrongo îna na mûgwanja. 42 Nciarwa cia Arimu baarî ngiri îmwe na îkûmi na mûgwanja.
43 Arawi bara baacookire kuuma ûkombooni ba mûciî wa Njesua na Kandimieri nciarwa cia Ondabia baarî mîrongo mûgwanja na bana.
44 Aini ba mûciî wa Asabu baarî îgana rîmwe rîa mîrongo îna na banaana.
45 Akaria ba mwîrîga ba mûciî wa Sarumu, Ateri, Tarimoni, Akubu, Atita na wa Sobai baarî îgana rîmwe rîa mîrongo îthatû na banaana.
46 Aruti ngûgî ba Nyomba ya Ngai bara baacookire kuuma ûkombooni baarî kuuma mîciî ya, Sia, Asufa, Tabaothi, 47 Kerosi, Sia, Pandoni, 48 Rebana, Agaba, Sarumai, 49 Anani, Nginderi, Ngaari, 50 Reaya, Resini, Nekonda, 51 Ngasamu, Usa, Pasea, 52 Besai, Ameuni, Anefusi, 53 Bakibuku, Akufa, Ariuri, 54 Basirithi, Meinda, Arisa, 55 Barikosi, Sisera, Tema, 56 Nesia na Atifa.
57 Nciarwa cia aruti ngûgî ba mûnene Soromoni bara baacookire kuuma ûkombooni baarî, Sotai, Soferethi, Perinda, 58 Njaara, Ndarikoni, Nginderi, 59 Sefatia, Atiri, Pokerethi-Asebaimu na Amoni.
60 Aruti ngûgî ba Nyomba ya Ngai na nciarwa cia aruti ngûgî ba Soromoni baarî magana mathatû ma mîrongo kenda na baîrî.
61 Antû ba taûni ya Teri-Mera, Teri-Arisa, Kerubi, Andoni na Imeri nabo baacooka îndî gûtaûmbîkana bo kwonania baarî nciarwa cia Aisiraeri. 62 Nciarwa cia Nderaya, Tobia na Nekonda baarî magana mathanthatû ma mîrongo îna na baîrî. 63 Nciarwa cia athînjîri ba Ngai bara baacookire nabo i Obaya, Akosi na Barisirai, (ûra agûrîîte mwarî wa Barisirai ûra Mûngiriandi, n'we eetwa riîtwa rîao). 64 Babu baacûire mariîtwa maao mabukuuni ma mîciî îra îîngî îndî mataarî oogo. Kwoogu batetîgîîrua kûruta ngûgî ya ûthînjîri n'ûntû bataarî batheru. 65 Ngabana abeera batiîtîgîîrîtue kûrîa irio bitheru mwaka mûthînjîri ûra akaûmba gûtûmîra Urimu na Tumimu akinye.
66 Mûgana wa antû ngiri mîrongo îna na ciîrî, magana mathatû ma mîrongo îthanthatû i bo baacookire kuuma ûkombooni. 67 Na i baarî na aruti ngûgî arûme na aka ngiri mûgwanja, magana mathatû ma mîrongo îthatû na mûgwanja na aini magana maîrî ma mîrongo îna arûme na aka. 68 Baarî na mbaraathi magana mûgwanja ma mîrongo îthatû na ithanthatû, nyûmbû magana maîrî ma mîrongo îna na itaano, 69 nkamîîra magana mana ma mîrongo îthatû na itaano, mang'ooi ngiri ithanthatû, magana mûgwanja na mîrongo îîrî.
70 Bamwe ba anene ba mîciî baanenkanîra biewa n'ûntû bwa ngûgî. Ngabana arutire kiro ngiri îmwe cia thaabu, tûraî mîrongo îtaano na nguo cia athînjîri magana mataano ma mîrongo îthatû. 71 Atongoria bamwe ba mîciî baaneenkanîra kîgîînaani mûgana wa thaabu ngiri mîrongo îîrî na fetha ngiri ciîrî cia magana maîrî. 72 Mûgana wa maruta ma antû bara bangî bonthe warî ngiri mîrongo îîrî cia thaabu, ngiri ciîrî cia fetha na nguo cia athînjîri ba Ngai mîrongo îthanthatû na mûgwanja.
73 Kwoogu, athînjîri ba Ngai, Arawi, akaria ba mîîrîga, aini, aruti ngûgî ba Nyomba ya Ngai na antû bonthe ba Isiraeri baatûûra taûni yao.