Esira 2

Mariîtwa ma antû bara baacookire kuuma ûkombooni

(Neem 7:4-73)

1 Îîndî baba i bo antû bara baacookire kuuma ûkombooni, agwate bara Nebukandinesa mûnene wa Mbabironi aagwete barî mîgwate abaira Mbabironi. Baacookire Njerusaremu na Njunda, wa muntû taûniini yake. 2 Baatongoreetue i Serubaberi, Njesua, Neemia, Seraya, Reeraya, Morindekai, Mbirisani, Misipari, Bigibai, Reumu na Mbaana. Rîrî i rîo îthaabu rîa antû arûme ba Isiraeri bara baacookire kuuma ûkombooni:

3  Nciarwa cia Parosi baarî	ngiri ciîrî îgana rîmwe rîa mîrongo mûgwanja na baîrî.
4  Nciarwa cia Sefatia	baarî magana mathatû ma mîrongo mûgwanja na baîrî.
5  Nciarwa cia Ara	baarî magana mûgwanja ma mîrongo mûgwanja na bataano.
6  Nciarwa cia Paathi-Moabu (nciarwa cia Njesua na Njoabu)	baarî ngiri ciîrî magana manaana ma îkûmi na ciîrî.
7  Nciarwa cia Eramu	baarî ngiri îmwe magana maîrî ma mîrongo îtaano na bana.
8  Nciarwa cia Satu	baarî magana kenda ma mîrongo îna na bataano.
9  Nciarwa cia Sakai	baarî magana mûgwanja ma mîrongo îthanthantû.
10  Nciarwa cia Bani	baarî magana mathanthatû ma mîrongo îna na baîrî.
11  Nciarwa cia Bebai	baarî magana mathanthatû ma mîrongo îîrî na bathatû.
12  Nciarwa cia Asigandi	baarî ngiri îmwe, magana maîrî ma mîrongo îîrî na baîrî.
13  Nciarwa cia Andonikamu	baarî magana mathanthatû ma mîrongo îthanthatû na bathanthatû.
14  Nciarwa cia Bigibai	baarî ngiri ciîrî na mîrongo îtaano na bathanthatû.
15  Nciarwa cia Andini	baarî magana mana ma mîrongo îtaano na bana.
16  Nciarwa cia Ateri (gûkûrûkîîra Esekia)	baarî mîrongo kenda na banaana.
17  Nciarwa cia Besai	baarî magana mathatû ma mîrongo îîrî na bathatû.
18  Nciarwa cia Njora	baarî îgana na îkûmi na baîrî.
19  Nciarwa cia Asumu	baarî magana maîrî ma mîrongo îîrî na bathatû.
20  Nciarwa cia Ngibari	baarî mîrongo kenda na bataano.
21  Nciarwa cia Bethireemu	baarî îgana na mîrongo îîrî na bathatû.
22  Nciarwa cia Netofa	baarî mîrongo îtaano na bathanthatû.
23  Nciarwa cia Anathothi	baarî îgana rîa mîrongo îîrî na banaana.
24  Nciarwa cia Asimabethi	baarî mîrongo îna na baîrî.

25 Nciarwa cia Kiriathi-Njearimu, Kefira na Beerothi baarî magana mûgwanja ma mîrongo îna na bathatû.

26  Nciarwa cia Rama na Ngeba	baarî magana mathanthatû ma mîrongo îîrî na ûmwe.
27  Nciarwa cia Mikimasi	baarî îgana rîmwe rîa mîrongo îîrî na baîrî.
28  Nciarwa cia Betheri na Ai	baarî magana maîrî ma mîrongo îîrî na bathatû.
29  Nciarwa cia Nebo	baarî mîrongo îtaano na baîrî.
30  Nciarwa cia Magibisi	îgana rîa mîrongo îtaano na bathanthatû.
31  Nciarwa cia Eramu îra îîngî	baarî ngiri îmwe, magana maîrî ma mîrongo îtaano na bana.
32  Atûûri ba Arimu	320
33  Atûûri ba Rondi, Andindi, na Ono	725
34  Atûûri ba Njeriko	345
35  Atûûri ba Senaa	3,630

36 Baba i bo athînjîri bara baacookire kuuma ûkombooni,

Nciarwa cia Njendaya gûkûrûkîîra Njesua	973
37  Nciarwa cia Imeri	1,052
38  Nciarwa cia Pasiuri	1,247
39  Nciarwa cia Arimu	1,017

40 Arawi bara baacookire kuuma ûkombooni ba kuuma mûciî wa Njesua na Kandimieri nciarwa cia Ondabia baarî

	74
41  Aini ba mûciî wa Asabu	128
42  Akaria ba mwîrîga wa nyomba ya Ngai, nciarwa cia Sarumu, Ateri, Tarimoni, Akubu, Atita, na Sobai	139

43 Nciarwa cia ateetheeria baba ba Nyomba ya Ngai i cio ciacookire kuuma ûkombooni.

Sia, Asufa, Tabaothi,

44 Kerosi, Sia, Pandoni,

45 Rebana, Agaba, Akubu,

46 Agabu, Sarumai, Anani,

47 Nginderi, Ngaari, Reaya,

48 Resini, Nekonda, Ngasamu,

49 Usa, Pasea, Besai,

50 Asina, Ameuni, Anefusi,

51 Bakibuku, Akufa, Ariuri,

52 Basiruthu, Meinda, Arisa,

53 Barikosi, Sisera, Tema,

54 Nesia, na Atifa.

55 Nciarwa ino cia aruti ngûgî ba mûnene Soromoni i cio ciacookire kuuma ûkombooni,

Sotai, Asoferethi, Perunda,

56 Njaara, Ndarikoni, Nginderi,

57 Sefatia, Atiri, Pokerethi-Asebaimu, na Ami.

58 Aruti ngûgî ba Nyomba ya Ngai na nciarwa cia aruti ngûgî ba Soromoni bonthe baarî magana mathatû ma mîrongo kenda na baîrî.

59 Baba i bo baayire kuuma ntûûra cia Teri-Mera, Teri-Arisa, Kerubi, Andoni na Imeri, îndî batikîonania mîciî yao yarî nciarwa cia Isiraeri. 60 Gîkundi gîkî kîarî kîa mîciî ya Nderaya, Tobia, na Nekonda, bonthe baarî antû magana mathanthatû ma mîrongo îtaano na baîrî.

61 Mîciî îthatû ya athînjîri:

Obaya, Akosi, na Barisirai kinya bo i baacookire Njerusaremu. Barisirai ûyû aagûrîîte mûka wa rûciaro rwa Barisirai wa kuuma Ngiriandi, na aathûkîîtie riîtwa rîa mûciî wao.

62 Îndî i baateete mûtaratara wa rûkore rwao, kwoogu bateetîgîîrua kûruta ngûgî ta athînjîri ba Ngai. 63 Ngabana atikîbareka kinya barîa rûgai rwa irio rwa athînjîri kuuma igongwanaani nwa mwanka kwîthîrwe na mûthînjîri ûra akîûmba kûûria Mwathani îgûrû rîa ûntû bûbu na njîra ya kûringa kuura ûra aarî na Urimu na Thumimu.

64 Kwoogu îthaabu rîa antû ngiri mîrongo înna na ciîrî na magana mathatû ma mîrongo îthanthatû i baacookire Njunda, 65 baringanîrîtwe na aruti ngûgî 7,337 na aini 200, aka na arûme. 66 Baathûkia mbaraathi 736, nyûmbû 245, 67 nkamîîra 435, na mang'ooi 6,720.

68 Rîra baakinyire Nyomba ya Mwathani Njerusaremu, bamwe ba atongoria ba mûciî baanenkanîra into biao bakîendaga Nyomba ya Ngai yakwa kaîrî wa ara yarî. 69 Wa kîra mûtongoria eeyanire bûra aûmbaga. Ûtari bwa biewa biao bia thaabu bwayire mbia cia thaabu ngiri mîrongo îthanthatû na îmwe.

70 Kwoogu, athînjîri ba Ngai, Arawi, aini, akaria ba mwîrîga, aruti ngûgî ba Nyomba ya Ngai, na bamwe ba antû ba wîthîre baatwîre taûni cia akubî na Njerusaremu. Antû babu bangî bacooka taûniini ira ingî cia Njunda ira baumîîte.