Igongwana bia mwanjîîrio wa mwanka
29
1 Ntugû ya mbere ya mweri wa mûgwanja rîîkanagaani amwe n'ûntû bwa kûgonga. Ntugû înu bûtibatîîrue kûruta ngûgî. Ntugû înu bûringe tûrumbeeta. 2 Bûrute kîgongwana gîa kûbîîthua na mwanki gîa kûruta mûcinko wa gûkenia Mwathani. Bûrutage ncamba îmwe, ntûrûme îmwe na tûtûrûme mûgwanja twa ûkûrû bwa mwanka ûmwe. Nyamû inu ciîgue itarî nwa koothûûku. 3 Bûrute kîewa kîa irio kîra kîagîrîîte, kîa mûtu ûkimanîîtue na maguta ma mîceituuni. Na bio bikaarutagwa ûûgû: Icuncî bithatû bia îkûmi bia ndebe ya mûtu îrutanîrue na ncamba, gîcuncî kîa bitaano kîa ndebe ya mûtu îrutanîrue na ntûrûme 4 na gîcuncî gîa îkûmi kîa ndebe ya mûtu kîrî wa kîra gatûrûme kîrî tûtûrûme mûgwanja. 5 Bûcooke bûrute nthenge kîrî kîgongwana n'ûntû bwa wîyia. Na gûkûrûkîîra ûntû bûbu antû bakaatherua. 6 Bûrute igongwana bibi amwe na bira biingî bia kûbîîthua na mwanki bia ntugû ya mbere ya mweri amwe na kîewa kîa bio kîa irio, amwe na biewa bia kûbîîthua na mwanki amwe na biewa biakîo bia irio na kîewa kîa ndibei. Igongwana bibu bia irio i birutaga mûcinko ûgûkenia Mwathani.Biewa bia ntugû ya kûtherua meeyia
7 Ntugû ya îkûmi ya mweri wa mûgwanja bûrûthe mûcemanio ûmûtheru, na ntugû înu bûtikaarie kana bûruta ngûgî. 8 Bûrute kîgongwana gîa kûbîîthua na mwanki, kîrute mûcinko ûgûkenia Mwathani. Bûrutage ncamba îmwe îtarî nkûrû mûno, ntûrûme îmwe, na tûtûrûme mûgwanja twa ûkûrû bwa mwanka ûmwe. Nyamû inu ciîgue itarî nwa koothûûku. 9 Bûrute kîewa kîa irio kîra kîagîrîîte kîa mûtu ûkimanîîtue na maguta ma mîceituuni. Na bikaarutagwa ta ûûgû: Ncamba îrutanîrue na icuncî bithatû bia îkûmi bia ndebe ya mûtu, ntûrûme gîcuncî kîa bitaano kîa ndebe ya mûtu 10 na gatûrûme, gîcuncî gîa îkûmi kîa ndebe ya mûtu, 11 bûcooke bûrute ntheenge kîrî kîgongwana n'ûntû bwa wîyia, îgûrû rîa mbûri îra îrutagwa nyamburaani cia kûtheria antû, na îgûrû rîa igongwana bia kûbîîthua bia wa îra ntugû na biewa bia bio bia irio na ndibei.
Igongwana kîathooni gîa tûgaanda
12 Ntugû ya îkûmi na itaano ya mweri wa mûgwanja bûrûthe mûcemanio ûmûtheru. Bûkeneere kîatho gîku ntugû mûgwanja n'ûntû bwa gûtîîya Mwathani na bûtikaarute ngûgî. 13 Ntugû ya mbere bûrutîre Mwathani kîewa gîa kûbîîthua na mwanki kîrî na mûtararî ûkûmûkenia. Bûrutage ncamba îkûmi na ithatû itarî nkûrû mûno, ntûrûme ciîrî na tûtûrûme îkûmi na tûna twa mwanka ûmwe. Nyamû inu ciîgue itarî nwa koothûûku. 14 Bûrute kîewa kîa irio kîra kîagîrîîte, kîa mûtu ûkimanîîtue na maguta ma mîceituuni ûûgû: Ncamba îrutanîrue na icuncî bithatû bia îkûmi bia ndebe ya mûtu, ntûrûme gîcuncî kîa bitaano kîa ndebe ya mûtu 15 na gatûrûme, gîcuncî gîa îkûmi kîa ndebe ya mûtu. Bûrutanîrie into bibi na kîewa kîa ndibei kîra kîagîrîîte. 16 Bûcooke bûrute ntheenge kîrî kîgongwana n'ûntû bwa wîyia. Bûrute igongwana ta bibi îgûrû rîa igongwana bira bibîîthagua wa kîra ntugû amwe na biewa bia bio bia irio na ndibei.
17 “Ntugû ya ciîrî bûrute ncamba îkûmi na ciîrî itarî nkûrû mûno, ntûrûme ciîrî, na tûtûrûme îkûmi na tûna twa ûkûrû bwa mwanka ûmwe. Nyamû inu ciîgue itarî nwa koothûûku. 18 Bûrutanîrie na kîewa kîa irio na kîa ndibei kîra kîagîrîîte kûrutanîrua na ncamba, ntûrûme na tûtûrûme. 19 Bwongeere ntheenge kîrî kîgongwana n'ûntû bwa wîyia, îgûrû rîa biewa bia kûbîîthua na mwanki bia wa îra ntugû na biewa bia bio bia irio na bia ndibei.”
20 Ntugû ya ithatû ûrute ncamba îkûmi na îmwe itarî nkûrû mûno, ntûrûme ciîrî na tûtûrûme îkûmi na tûna twa ûkûrû bwa mwanka ûmwe. Nyamû inu ciîgue itarî nwa koothûûku. 21 Bûrutanîrie na kîewa kîa irio na kîa ndibei kîra kîagîrîîte kûrutanîrua na ncamba, ntheenge na tûtûrûme. 22 Bwongeere ntheenge kîrî kîgongwana n'ûntû bwa wîyia îgûrû ya igongwana bia kûbîîthua na mwanki wa kîra ntugû na biewa biabio bia irio na bia ndibei.
23 “Ntugû ya inya bûrute ncamba îkûmi itarî nkûrû mûno, ntûrûme ciîrî na tûtûrûme îkûmi na tûna twa ûkûrû bwa mwanka ûmwe. Nyamû inu ciîgue itarî nwa koothûûku. 24 Bûrutanîrie na biewa bia irio na bia ndibei bira biagîrîîte kûrutanîrua na ncamba, ntûrûme na tûtûrûme. 25 Bûcooke bûrute ntheenge îmwe îrî kîgongwana n'ûntû bwa wîyia îgûrû ya igongwana bia kûbîîthua na mwanki wa kîra ntugû na biewa biabio bia irio na bia ndibei.”
26 Ntugû ya itaano bûrute ncamba kenda itarî nkûrû mûno, ntûrûme ciîrî na tûtûrûme îkûmi na tûna twa ûkûrû bwa mwanka ûmwe. Nyamû inu ciîgue itarî nwa koothûûku. 27 Bûrutanîrie na biewa bia irio na bia ndibei bira biagîrîîte kûrutanîrua na ncamba, ntûrûme na tûtûrûme. 28 Bûcooke bûrute nthenge îmwe kîrî kîgongwana n'ûntû bwa wîyia, îgûrû ya igongwana bia kûbîîthua na mwanki bia wa kîra ntugû na biewa biabio bia irio na bia ndibei.
29 Ntugû ya ithanthatû bûrute ncamba inyanya itarî nkûrû mûno, ntûrûme ciîrî na tûtûrûme îkûmi na tûna twa ûkûrû bwa mwanka ûmwe. Nyamû inu ciîgue itarî nwa koothûûku. 30 Bûirutanîrie na biewa bia irio na bia ndibei bira bibatîîrue kûrutanîrua na ncamba, ntûrûme na tûtûrûme. 31 Bûcooke bûrute ntheenge îmwe kîrî kîgongwana n'ûntû bwa wîyia, îgûrû ya igongwana bia kûbîîthua na mwanki bia wa kîra ntugû na biewa biabio bia irio na bia ndibei.
32 Ntugû ya mûgwanja bûrute ncamba mûgwanja itarî nkûrû mûno, ntûrûme ciîrî na tûtûrûme îkûmi na tûna twa ûkûrû bwa mwanka ûmwe. Nyamû inu ciîgue itarî nwa koothûûku. 33 Bûrutanîrie na biewa bia irio na bia ndibei bira biagîrîîte kûrutanîrua na ncamba, ntûrûme na tûtûrûme. 34 Bûcooke bûrute ntheenge îmwe îrî kîgongwana n'ûntû bwa wîyia, îgûrû ya igongwana bia kûbîîthua na mwanki bia wa kîra ntugû na biewa biabio bia irio na bia ndibei.
35 “Ntugû ya inyanya bûrîîkane amwe mûceemanioni ûmûtheru na bûtikaarute ngûgî. 36 Bûrute kîgongwana gîa kûbîîthua kîrî kîewa gîa kûrutîra Mwathani kîra kîrî na mûtararî ûkûmûkenia. Bûkaaruta; ncamba îmwe îtarî nkûrû mûno, ntûrûme îmwe na tûtûrûme mûgwanja twa ûkûrû bwa mwanka ûmwe. Nyamû inu ciîgue itarî nwa koothûûku. 37 Bûrutanîrie na biewa bia irio na bia ndibei bira biagîrîîte kûrutanîrua na ncamba, ntûrûme na tûtûrûme. 38 Bûcooke bûrute ntheenge îmwe îrî kîgongwana n'ûntû bwa wîyia, îgûrû ya igongwana bia kûbîîthua na mwanki bia wa kîra ntugû na biewa biabio bia irio na bia ndibei.
39 “Mama i mo mawatho mara meegiî igongwana bira bibîîthagua, biewa bia irio, biewa bia ndibei na igongwana bia ngwatanîro bira bûkaarutagîra Mwathani biathooni bienu biithuure. Biewa bibi bikaarutagwa îgûrû ya biewa bia kûûyûria mûthiîtio na biewa bia kûruta na kwîbendera.”
40 Kwoogu Musa eera antû ba Isiraeri mantû monthe mara Mwathani aamwathîîte.