Aruti ngûgî ba kûrûtha îrema rîa kûrîîkana
31
1 Mwathani eera Musa: 2 Nkûthuura Mbesareri mwana wa Uri na mwana wa mwana wa Ûri, wa mwîrîga wa Njunda, 3 na ndamûûyûria na Kîrundu wa Ngai, ûûgî, ûmenyo na waara bwa mîthemba yonthe. 4 Akaûmba kûthuuranîra mîbango ya ngûgî ya waara na gûtûmîra thaabu, fetha na yîûmba ta rîra rîrûthaga gîkama. 5 Akaûmba gûcaa maiga ma gwîkîra gûntû, na gûcaa mîtî na mawaara ma mîthemba yonthe. 6 Kaîrî i nthuurîîte Ooriabu mwana wa Aisamaki wa mwîrîga wa Ndani, bateethanagie n'we. Kinya ineenkereete aruti bangî ba ngûgî cia waara ûûmbi bûûnene kaingo bakaûmba kûrûtha into bionthe bira nkwathîîte birûthwe. Na bio i bibi: 7 Îrema rîa Ngai, îthandûkû rîa maathana na gîtî gîa kîao, na into bionthe bia îrema, tabio 8 meetha na into biayo, gîtugî gîa taa na into biakîo, kîthînjîro gîa kûbîîthîria macoco, 9 kîthînjîro gîa kîgongwana gîa kûbîîthia na mwanki, na into biakîo, kîraî gîa kûthambîra na bantû ara gîtûûgagîrua, 10 nguo ira nthongi mûno cia ûthînjîri cia Arûni na aana baake ira bagaatûmagîra bakîruta ngûgî ya ûthînjîri, 11 maguta ma wakana na macoco mara manuunkaga bwega ma Bantû ara Atheru. Babatîîrue barûtha into bibu wa ta bûra ndaakwathire birûthwe.Ntugû ya Sabatû
12 Mwathani eera Musa 13 eere antû ba Isiraeri, “Ririkanagaani kûmenyeera ntugû ya Sabatû, na n'yo ntugû yakwa ya kûnogoka, n'ûntû rûru i rwano gatîgatî gaakwa na biû rwa magiita monthe rwa kwonania atî niû, Mwathani mbûthuurîîte na ndabûtuîkithia antû baakwa. 14 Nwa mwanka bûririkanage kûmenyeera ntugû ya Sabatû n'ûntû n'întheru. Muntû ûra akaarega kûmîtîîya nwa mwanka aûragwe. Na ûra akaaruta ngûgî ntugû înu agaatiga gûtaranîrua na antû baakwa. 15 Rutagaani ngûgî ntugû ithanthatû, îndî ntugû ya mûgwanja n'ya Sabatû. Mwathani n'ataarîîte ntugû înu îrî întheru. Na kwoogu muntû ûra akaaruta ngûgî ntugû înu nwa mwanka aûragwe. 16 Antû ba Isiraeri nwa mwanka bamenyagîîre ntugû îno ya Sabatû kîrî nciarwa ciao cionthe n'ûntû bwa kûririkana kîrîîkanîro. 17 I rwano rwa tene na tene gatîgatî gaakwa na antû ba Isiraeri atî niû, Mwathani, ndaûmbire îgûrû na nthîgûrû na ntugû ithanthatû, na ntugû ya mûgwanja ndaanogoka.”
18 Rîra Mwathani aarîîkiirie kwaria na Musa kîrîmaani gîa Sinai, amûneenkera mbaariû ciîrî cia maiga ira ciandîkîîtwe maathana i Mwathani wengwa na kîara gîake.