Kuóre wɩ́'állɛ dʋ́ŋdʋʋ̃́ kɛnɔ
Laadíná
Kuóre wɩ́'állɛ kɛnɔ́ né ká balá rɛ́, ká caksɛ bɛllɛ, ɓaá yɩ́rɛ kuóre wɩ́'állɛ dʋ́ŋdʋ́ʋ̃́ kɛnɔ rɩ́ bʋllɛ kɛnɔ, bee wɩ́ɛ́, ɛ́ kɛnɔ wuu fa wɩ kɛŋgumí balá sɩɛrʋ́ zʋ. Wɩ́ɛ́ ná há mɩŋ kuóre wɩ́'állɛ dʋ́ŋdʋ́ʋ̃́ kɛnɔ arɩ́ bʋllɛ ɓɩnɔ sɩɛrʋ, ɓa tɩɩ nʋ́ʋ́ nɛ́ Samɩɛl arɩ́ Kuóre kɛnnɛ sɩɛrʋ. Amá kɛnɔ́ né tɩ́ɩ́nɛ Zuwifiwa ná há bɩ́rɛ a mʋ́ Zerizalɛmɛ ɓa yomí ná har mɛ́ nɛ́. Ʋ sɩɛ́ tɩ́ɩ́nɛ Ziida dɩtɩ́llɛ mɛ́ nɛ́ kɩ́ŋkáŋ wuu.
Kɛnɔ́ né púle, a pɔ́ sápíítir 1 kaá mʋ́ 9 bʋl woowa wɩ́ɛ́ nɛ́, a pɔ́ Adaŋ mɛ́ ká mʋ́ yakɛ kuóro Sayul mí. Sápíítir 10 máŋsɛ Sayul sʋʋ wɩ́ɛ́ nɛ́. Davidi wɩ́ɛ́ nɛ́ cáásɛ nyɩɩsɛ kɛnɔ ná káánɛ sɩɛrʋ. Davidi há kúé dí kuorí, ʋ pí Zerizalɛmɛ nɛ́ a ɔ́ʋ́ kuótɔ́ɔ́ (sápíítir 11-12). Ʋ ɔ́ɔ́ ɓa pi nʋtʋmɛ dáka ná a kaa ko ɛ́ tɔ́ɔ́ nɛ́ (13-16). sápíítir 17-20 máŋsɛ wɩ́ɛ́ ná há tʋ́mɛ́, ʋ kuorí tɛ́ŋ mɛ́ nɛ́. Ká ɓa máŋsɛ ɛ́ ná ʋ há kénú tɩɩ rʋ́ʋ́ sɔ Wɩɩsɛ jaa sápíítir 21-29 sɩɛrʋ. Ʋ sʋʋ har mɛ́ nɛ́ sɩɛ́ ʋ bio Salomɔŋ sɔ ɛ́ jaa ( kuóre wɩ́'állɛ bʋllɛ kɛnɔ sɩɛrʋ).
Kuóre wɩ́'állɛ dʋŋdʋ́ʋ̃́ kɛnɔ́ né sɩɛrʋ, Davidi ní ká nɛrɔ ná háá tɩŋ Wɩɩsɛ, aá ɓáárʋ́ rɩ́ taŋá. Ʋ ɩ́ɔ̃́ rɩ́ Wɩɩsɛ nɛ́ ká kuótaŋá: Nyuutɩna Wɩɩsɛ, ɩ nɛ́ ká Wɩɩsɛ tɩɩ, a tɩ́llɛ bána rɩ́ tíé onni wuu. Ɩ nɛ́ tɛ píŋ, dóé, wér, rɩ́ kuorí a kaá mʋ́ wuu. (29.11)
Kɛnɔ́ né sɩɛrʋ wɩ́nyunni
Adaŋ dunɩɛ a kaa mʋ́ yakɛ Sayul mí 1-9
Sayul arɩ́rʋ́ bɛlɛ sʋʋ wɩ́ɛ́ 10. 1-14
Davidi kuorí díí wɩ́ɛ́ 11. 1-9
Davidi lalyoore wɩ́ɛ́ 11.10-12.40
Davidi ɔ́ɔ́ ɓa ka nʋtʋmɛ dáka ná ko Zerizalɛmɛ 13-16.
Salomɔŋ sɩ́ sɔ Wɩcʋɔlɩjɩzeno 17
Davidi dí ballɩ́ 18-20.
Davidi kenú tɩɩ rʋ́ʋ́ sɔ Wɩcʋɔlɩjɩzeno 21-26
Nɩɛ tɛ́ satɔ́ɔ́rɩ́pallɛ 29.1-20.
Salomɔŋ dí kuorí 29. 21-25
Davidi sʋʋ wɩ́ɛ́ 29. 26-30