Bʋllɛ kuóre kɛnɔ
Laadíná
Ziida arɩ́ Ɩzɩrayɛl dɩtɩ́llɛ ná wɩ́ɛ́ há púl kuóre dʋŋdʋ́ʋ̃́ kɛnɔ ná mɛ́, ɓa tʋkɛ́ nɛ́ mɩ́ŋ kuóre bʋllɛ kɛnɔ né sɩɛrʋ. Wɩ́máŋsɛ ná há tɩ́ɩ́nɛ Ziida arɩ́ Ɩzɩrayɛl dɩtɩ́llɛ kuóre mí, ɓa wuu fa wɩ kɛŋgúmí balá sɩɛrʋ wúó zʋ. Ɛ́ nɛ́ tɛ́ kuóre kɛnɔ ná cáksɛ bɛllɛ.
Kuóre bʋllɛ kɛnɔ né cáksɛ bɛllɛ nɛ́: Dʋŋdʋ́ʋ̃́ cɔɔ ná sɩɛrʋ, a pɔ́ sapítiri 1-17, ʋʋ́ máŋsɛ dɩtɩ́llɛ ná bɛllɛ cáksɛ́ wɩ́ɛ́ há púl dʋŋdʋ́ʋ̃́ kuóre kɛnɔ ná sɩɛrʋ nɛ́. Bɩŋsɛ 722 há dáárɛ, rɩ ɓa há wɩ Zeezi Kirisi lʋlɛ, Asiiri nɩɛ dí dóé Ɩzɩrayɛl dɩtɩ́llɛ ná há mɩŋ wɩɩsɛ dɩpomí nɛ́gʋɔ rɩ́ nyúú. Ɓa zɔ́kɛ Samari tɔ́ɔ́ há ká kuótɔ́ɔ́, ká kɛ́sʋ́ nɩɛ col Asiiri.
Bʋllɛ cɔɔ, a pɔ́ sapítiri 18-25, wɩɩsɛ dɩpomí nɛ́duu dɩtɩ́llɛ Ziida nɩɛ lówó a mʋ́ peri bɩŋsɛ 586, ká Babɩlɔɔnɛ kuóro Nabikanezaarɛ sɩɛ́ dí dóé ɓa nyúú. Ɓa zɔ́kʋ́ tɔ́zeno Zerizalɛmɛ ɓóŋɓóŋ ká kɛ́sʋ́ nɩɛ ɓɩkaná, a kaa mʋ́ Babɩlɔɔnɛ ɓa a yosí. Ɓa kéŋ Ziida kuóro tɔ́ bɩnajaa. Amá ɛ́ tɛ́ŋ há dúóko ténné há péré, Babɩlɔɔnɛ nɩɛ pá kuóro ná ɓa kené tɔ́ bɩnjaa mɛ́ ŋmɛ́nɔ rʋ́ʋ́ lɛ bɩnajaa mɛ́.
Kuóre bʋllɛ kɛnɔ né máŋsɔ́ aá párá, óŋ ná há tɛ Ɩzɩrayɛl arɩ́ Ziida dɩtɩ́llɛ zɔkɛ́ nɛ́. Kuóre arɩ́wɔ́ tɔ́nɛ nɩɛ vɛ́ Wɩɩsɛ tɩ́ŋɛ́, ká Wɩɩsɛ wɩ́laabʋlla ɓɩkana fa bʋlɔ́ pɔ́wɔ́ má rɛ́ rɩ́wɔ́ káŋwɔ́ tɩɩ. Wɩɩsɛ nɩɛ wɩ́máŋsɛ ná wuu sɩɛrʋ, Zerizalɛmɛ zɔ́kɛ́ ná nɛ́ ká wɩ́ɩ́ ná nɔ́ŋɔ há kéŋ súsú kɩ́ŋkáŋ. Kɛnɔ né máŋsɔ́ a párá a bʋlɛ́: “Nyuutɩna Wɩɩsɛ cɔwɩɩlɔ́ nɛ́ tɛ́ nyɛ peri Zerizalɛmɛ” (Sápítiri 24 verse 20).
Kɛnɔ né sɩɛrʋ wɩ́nyúnni
Wɩɩsɛ wɩ́laabʋllɔ Eli sɩ́ kuóro Ahaziya wɩ́'aalɩ́ wɩ wérí: sápítiri 1
Elize bɩrmɛ Wɩɩsɛ wɩ́laabʋllɔ: sápírtiri 2- 8 ʋ verse 15
Ɩzɩrayɛl arɩ́ Ziida kuóre wɩ́ɛ́: sápítiri 8-16 ʋ verse 16
Dɩŋdɔmɔ dí dóé Samari nyúú: sápítiri 17
Ezekiasɛ kuorí díí arɩ́ Asiiri nɩɛ há dí dóé ʋ nyúú mí wɩ́ɛ́: sápítiri 18-20
Kuóro Manase arɩ́ Amɔŋ bɔmɩ́ wɩ́ɛ́: sápítiri 21
Kuóro Zoziyasɛ karmɛ Wɩɩsɛ kíŋse kɛnɔ: sápítiri 22.1 a kaá mʋ́ sápítiri 23 verse 30
Ziida hátɩ́ŋnɛ kuóre wɩ́ɛ́: sápítiri 23 verse 31 a kaá mʋ́ sápítiri 24. 20
Zerizalɛmɛ zɔkɔ́ kɔ́ʋ́ nɩɛ mʋ́ yomí sɩɛrʋ: sápítiri 25