Ɨkalaata ɨya nʼsontwa ʉPaulo hwa
Bhafiliipi
Ʉtagaalizyo
Ɨkalaata ɨnɨ yahasimbwilwe nʉ nʼsontwa ʉPaulo hwa bhooziwa abha hu Filiipi. Ibooma ɨlyɨ Filiipi lyahali hu mukowa ʉgwɨ Makedoniya, amwanya mu nsi ɨyɨ Yunaani. ɄPaulo ahalʉmbɨlɨɨye ʉhwo (bhaazya ɨMbombo ɨzya Bhasontwa 16) na hwanzisye ɨshibhanza. Leelo amaaha lwa gaashila, ʉPaulo ahali akʉngwɨlwe mu hoobhe. Ɨshibhanza ɨsha hu Filiipi shahasonteleziizye ɨmpɨɨya hwa mwene. Ahasimbile ɨkalaata ɨnɨ afumye ɨnsalifyo hu nongwa yɨ mpeesya ɨyo.
Nantele mu kalaata ɨnɨ ahubhabhʉʉzya abhooziwa huje saga asaaga afwe. Ahubhajinjizya ahwɨmɨɨlɨle hu dandamazu mu lwɨtɨho, lwa bhayɨmba. Ahubhiizusya huje ʉwʉʉmi waabho mwa Kilisiti mpeesya ɨyo abhapiiye ʉNgʉlʉbhɨ.
Ɨmbaatiho ɨzyɨ shitaabu ɨshi
1:1-2 ɄPaulo ahubhalamuha aBhafiliipi
1:3-2:30 ɄPaulo ahubhabhʉʉzya ɨnongwa zyakwe na mayɨmba ɨgo ali nago
3:1-4:9 ɄPaulo ahubhabhʉʉzya aleshe ɨnjendo ɨzyɨ mandɨ, bhamʼmwanze ʉYeesu tee, nantele bhabhe nʉ luseshelo ʉlugoosi mwa Yeesu ʉKilisiti
4:10-23 ɄPaulo ahubhasalifya aBhafiliipi hu mpeesya zyabho