Ɨkalaata ɨya nʼsontwa ʉPaulo hwa
Bhaefeeso
Ʉtagaalizyo
Ɨkalaata ɨnɨ yahasimbwilwe nʉ nʼsontwa ʉPaulo hwa bhooziwa abha hu Efeeso. Ibooma igoosi ɨlyɨ Efeeso lyahali mu nsi ɨyo mu nsiku ɨzi bhayiga ɨTuluuki. ɄPaulo ahakhɨɨye na‑alʉmbɨɨlɨle ɨNongwa ɨNyinza ɨzya Yeesu mwi‑ibooma liila hu habhaazyo ahɨ maaha gataatu (bhaazya ɨMbombo ɨzya Bhasontwa 19). Abhantu abhinji bhahamʼmwɨtɨɨshe ʉYeesu mwi‑ibooma ɨlyo na mu mabooma amapalamani. Pamandɨ, ʉPaulo lwa‑ali mu hoobhe hu Luumi, ahabhasimbiiye ɨkalaata ɨnɨ hubhamanyizye huje ʉlwɨtɨho lwabho mwa Yeesu lyahali mu zingatizu wa Ngʉlʉbhɨ, ʉwa huje ʉYeesu ʉKilisiti abhe yʉ Mwɨnɨ wa vyonti, mu nsi na hu mwanya.
Ɨmbaatiho ɨzyɨ shitaabu ɨshi
1:1-2 ɄPaulo ahubhalamuha aBhaefeeso
1:3-3:21 ɄPaulo ayanga ɨsho ʉNgʉlʉbhɨ ahubhafyʉla abhantu bhaakwe afume mu mbiibhi zyabho, na hubhapatiihanye nʉ Yeesu ʉKilisiti hwi‑idala ɨlya‑afwe na‑azyʉshe hwakwe
4:1-6:20 ɄPaulo amanyizya ɨsho abhooziwa bhahwanziwa akhale hu tengaanu nɨ njendo ɨnyinza mu shibhanza na muuhati yɨ nyumba zyabho
6:21-24 Amazwi aga hu malishilo