Ɨkalaata ɨya nʼsontwa ʉPaulo hwa
Bhagalatiya
Ʉtagaalizyo
Ɨkalaata ɨnɨ yahasimbwilwe nʉ nʼsontwa ʉPaulo hwa bhooziwa abha hu Galatiya. ƗGalatiya gwahali mukowa ʉgwo gwahali paahati yɨ nsi ɨyo mu nsiku ɨzi bhayiga ɨTuluuki. ɄPaulo nʉ Balinaaba bhahalʉmbɨlɨɨye ɨNongwa ɨNyinza ɨzya Yeesu mu mabooma gamo aga mu Galatiya. Abhantu abhinji bhahɨtɨɨshe ɨNongwa ɨNyinza, bhahabha bhooziwa (bhaazya ɨMbombo ɨzya Bhasontwa 13-14). Leelo ahabhaazyo lwa haashila, abhantu bhamo bhahabhamanyizya abhooziwa huje bhabhanje bhalondolezya ɨndajizyo na miiho ga Bhayahuudi, nantele abhalume bhatendwaje ɨngoola ɨya hwitagaalila ɨyɨ lume.
Mu kalaata ɨnɨ, ʉPaulo ahubhiizusya abhooziwa abha hu Galatiya huje ʉNgʉlʉbhɨ ahubhafyʉla abhantu bhonti ɨbho bhamʼmwɨtɨɨshe ʉYeesu ʉKilisiti, saga ɨbho bhalondolezya ɨndajizyo na miiho gamo aga Bhayahuudi. ɄPaulo ayanga huje ʉlemvu ʉwa bhooziwa wulongozewa nʉ Mʼpepo ʉMʼfinjile, huje titinishe ɨndajizyo ɨngoosi ɨya Ngʉlʉbhɨ ɨya hubhagane abhantu abhanjɨ.
Ɨmbaatiho ɨzyɨ shitaabu ɨshi
1:1-5 ɄPaulo ahubhalamuha aBhagalatiya
1:6-2:21 ɄPaulo ahwiyʉʉmɨla huje, ʉmwene nʼsontwa hwa bhantu ɨbho saga Bhayahuudi
3:1-4:31 Abhooziwa bhafyʉlwa hwi‑idala ɨlya humʼmwɨtɨshe ʉYeesu ʉKilisiti, saga bhafyʉlwa hwi‑idala ɨlya‑alondolezye ɨndajizyo
5:1-6:10 ɄPaulo amanyizya hu nongwa yɨ njendo zya bhooziwa ɨbho bhalongozewa nʉ Mʼpepo ʉMʼfinjile
6:11-18 Ɨnsundo ɨzya hu malishilo