Ɨkalaata ɨya bhɨɨlɨ ɨya nʼsontwa ʉPaulo hwa
Bhakolinto
Ʉtagaalizyo
Ɨkalaata ɨnɨ yahasimbwilwe nʉ nʼsontwa ʉPaulo hwa bhooziwa abha hu Kolinto, ɨlyo lyahali libooma ligoosi mu mukowa ʉgwɨ Akaaya mu nsi ɨyɨ Yunaani. Ahasimbile lwa‑apalamiiye hubhayaatile. Ɨkalaata ɨnɨ yahali ya hubhapeele ikhone, pɨpo ʉPaulo ya yʉʉyo ahanzisiizye ɨshibhanza ɨsha hu Kolinto. Hu habhaazyo lwa‑ahasɨɨle asimbe ɨkalaata ɨnɨ, ahali ahubhayaatila na hubhasontele ɨkalaata, leelo hwahali na mayɨmba aga‑alegane mu lwɨtɨho mu shibhanza ɨsho. Ɨshi, ahasimba ɨkalaata ɨnɨ hubhaavwe huje bhʉmvwane shinza hu habhaazyo ʉmwene lwa‑asɨɨle afishe hu Kolinto.
Ɨlolesya huje abhooziwa bhamo bhahajile ʉPaulo saga abhombɨɨye shinza ɨmpɨɨya ɨzya mu shibhanza, nantele bhahajile saga nʼsontwa wɨ lyoli. Ɨshi, mu kalaata ɨnɨ ayanga huje ʉmwene yʉ naanu, nantele ayanga hu nongwa yɨ mbombo ɨya‑alʉmbɨɨlɨle ɨNongwa ɨNyinza ɨzyo ʉNgʉlʉbhɨ ahanʼkwiziizye alʉmbɨɨlɨle. Nantele ahubhamanyizya abhooziwa abhombele ɨmpɨɨya zyabho hubhaavwe abhooziwa nɨ vibhanza vyonti.
Ɨmbaatiho ɨzyɨ shitaabu ɨshi
1:1-7 ɄPaulo ahubhalamuha aBhakolinto na‑afumye ɨnsalifyo hwa Ngʉlʉbhɨ
1:8-7:16 ɄPaulo ahwiyʉʉmɨla ʉzingatizu waakwe na‑ayanje ɨmbombo ɨzyɨ sontwa waakwe mwa Yeesu ʉKilisiti
8:1-9:15 Hubhaavwe abhooziwa abha hu Yelusaleemu
10:1-12:21 ɄPaulo ahubhabhʉʉzya huje ʉmwene nʼsontwa wa Yeesu ʉKilisiti
13:1-14 Ɨnsundo ɨzya hu malishilo