Ɨkalaata ɨya nʼsontwa ʉPaulo hwa
Bhakolosaayi
Ʉtagaalizyo
Ɨkalaata ɨnɨ yahasimbwilwe nʉ nʼsontwa ʉPaulo hwa bhooziwa abha hu Kolosaayi. Ibooma ɨlyɨ Kolosaayi lyahali ambali hu swelo ʉwɨ nsi ɨyo ɨnsiku ɨzi bhayiga ɨTuluuki. Ʉnʼsontwa ʉPaulo saga ahabhayatiiye abhooziwa abha hwi‑ibooma ɨlyo, leelo ahasimbile ɨkalaata ɨnɨ, pɨpo ahali ayʉmvwɨzye huje bhalɨɨho abhamanyizyi abhi‑ilenga mu shibhanza sha Ngʉlʉbhɨ shiila. Abhamanyizyi ɨbho bhahamanyizyaga huje abhooziwa bhahwanziwa alondolezye amiiho ga Bhayahuudi, nanshi atendwe ɨngoola ɨzya hwitagaalila ɨzyɨ lume na hubhapuute abhantumi, huje bhabhanje bhahunʼkhondeezya ʉNgʉlʉbhɨ.
Ɨshi ʉPaulo asimba ɨkalaata ɨnɨ hubhiizusye abhooziwa huje wahali fwe wa Yeesu ʉKilisiti ʉwo wahabhafyʉlɨle. Ahubhiizusya huje ʉKilisiti ali hu mwanya, ahubhalajizya abhantumi bhonti nɨ vintu vyonti ɨvyo vilɨɨho. Sha shɨɨsho bhahwanziwa humʼpuute ʉKilisiti mwene. Nantele ahubhiizusya huje ɨnjendo zyabho zilolesyaje huje abheene bhantu ɨbho bhasaluliilwe nʉ Ngʉlʉbhɨ.
Ɨmbaatiho ɨzyɨ shitaabu ɨshi
1:1-14 ɄPaulo ahubhalamuha aBhakolosaayi na‑afumye ɨnsalifyo hwa Ngʉlʉbhɨ
1:15-23 Ɨmbombo nʉ mwamu wa Kilisiti
1:24-2:5 Ɨmbombo ya Paulo mu vibhanza
2:6-23 ɄKilisiti abhagombʉʉye abhooziwa afume mu miiho ga bhantu
3:1-4:1 ɄPaulo amanyizya ɨsho abhooziwa bhahwanziwa akhale hu tengaanu, na‑abhe nɨ njendo ɨnyinza
4:2-18 Ɨndamuho ɨzya hu malishilo