Chong anngāia hin
malung apēk anāng
2
1 Hasika han,
nūk tiang koini nei ankei lāi nōkna ranga kuara nei riat ngāia hin achālaka malung apēk anāng.
2 Asik chu vānpalāi ngāi chong ril lua mana adeta om ani na,
Pathian vāng chu dān ansiat ngāi le hē tel lui ngāi dōra chunga adik taka ratha athuan thei ani na.
3 Hi dōr peia sandamna alian luat hi na poisak nōk ten,
hontin mo zōk thei mani?
Hava sandamna rui ha aphuta Puma amanga ahong anrila,
hava suale hava ariat ngāi hān koini kōma ahong adeta.
4 Pathian um nisela hiva sandamna ruia sinsiana ngāi,
boidongkhap sin ngāi le atei tichang abui sin ngāi dōra lehan Ratha Ānthiang neinun pēk ngāi amanga ama ei zōt anga ei hong manriat ani na.
Isua chu aparual
ngāi anga miringa ānsin
5 Maniapūr ala honga om rang rui koinīn na lei ril ha vānpalāi ngāi rachama om ranga siak mak.
6 Hanum nisela mi senkhatin hova Lekhabu taka mo hiva ei riatpuina chong hi amaziaka:
“Miring hi ingal mo tāk,
Nangin nei mandontit hi?
Miring sanāi um imo ani
nangin nei hong kiavāng
hi?
7 Vānpalāi ngāi nēka
annuai beta nei sin.
Anlianna le anlalna aluna
nei mankhum.
Na kut suak ngāi achunga
ruiril ranga nei siak.
8 Ake thuaia alom pei nei
siak kiar,”
(Sām 8:4 -6 )
ati na.
Hasika han alom peia ama thuaia ei siak zit sika han,
ama thuaia a om nōk itē om lāi mak.
Tenchu atun hin chu alom peia ama thuaia om zita la mu mak mena.
9 Tenchu Isua chu Pathianin vānpalāi ngāi ranga alakte ei la mannuai tot chu na mu na.
Pathian lungkhamna sika thīna chu mi tin rathūla atema.
Hatuka thīna antak ei tiar sika han Pathianin anlianna le anlalna lehan aman khuma.
10 Asik chu aloma Isua zāra le aloma ama sika a om ani na.
Ama chu nāi tamtak anliannana alūtpuia amāni sandamna aphutpu ahong achanga.
Hava sika han Isua chu anzuia ei om theina ranga antakna tin rēng atēng hi aranga ahong adik ngal ani na.
11 Asik chu anthiang theipu le ei manthiangsua ngāi chu alom u na angkhat āta asuak ani u na,
hasika han amāni ngāi chu parual ati ranga anzak mak.
12 Amān ati na:
“Ka parual ngāi kāra na
raming ril ka ti.
Kuibinga ankhōm ngāi kāra
nang anpākna la thō ka ti.”
(Sām 22:22 )
13 Hanūk rēt chu:
“Ama chunga kei iamna
mandet ka ti,”
(Isa.8:17 )
ati na.
Athara ati rēta:
“En u ta,
koi le Pathianin ei na
pēk nāi ngāi hi,”
(Isa.8:18 )
ati na
14 Asik chu nāi ngāi um taksa le thisen achang mi ei ni u anga,
amām hava ngāi ha ei chang ani na.
Ama thīna lehan thīna ningneina dōn,
diabol chu ei pei theina rang ani na.
15 Hanūk chu thīna anchi sika adam sūnga suaka om ngāi ei mazōk theina ranga.
16 Adik taka,
vānpalāi ngāi ni mak sanna ei pēk,
tenchu Abraham achi kōma kēng sanna ei pēk.
17 Hasika han alom peia aparual ngāi anga ansina om hi aranga anhui kēng.
Hatuka mi ngāi masial sika anthiarna anbōlna tinratua ansūk ranga riangvāi anamupu le aiamrua chāizūng alian ei chang theina ranga.
18 Asik chu ama aninga anthemna achul lāi han,
antakna ei tēng sika anthēmna achul ngāi chu amān asan theia.