Ningneina dōn ngāi
thunuaia lēng dān
13
1 Mi tukareng hi ningneina ding muna a om ngāi thuaia om chip u rase.
Asik
chu Pathianin ei phun nōk ningneina dōn atei tutē ei phun om mak.
Ningneina ding muna a om ngāi hi Pathian phun ani
u na.
2 Hasika han tukareng ningneina ding muna a om adui chu Pathian chongpēk adui kēng.
Havan tina ādui tak chu aninga rang ruirilna ānkuai ani na.
3 Ruirilpu ngāi hi om āsa thō ngāi rang ni mak tenchu om āsa nōk athō ngāi ranga kēng anchina ei om.
Ningneina ding muna a om ngāi makunga anchina buia om rang mo na zōt?
Hano ten om āsa thō ro,
hatuka amāni kōm āta anpākna chong man na ti.
4 Asik chu satna ranga na rathūla Pathian hasōndom kēng.
Tenchu asa
nōk lam na thō ten achi ro,
asik chu amān akoronga khendāi
sūr mak.
Ama chu Pathian hasōndom ani na,
asa nōk athō ngāi dōra chunga Pathian taksitna sika ama chu ratha athuanpu ani na.
5 Hasik han taksitna anchi duaia ni mak,
tenchu siat le sa riatna nei dōn sikam ningneina ding muna a om ngāi thuaia a om anāng.
6 Hiva sik tak hin nangnīn siachōi nei pēk u chachak.
Asik chu ningneina ding muna a om ngāi chu hava sin athō rang piala Pathian hasōndom u ani na.
Ahun u ngāi dōra chu hava ranga anpēk u ani na.
7 Mi tinin ei man ranga bāt tuk ha pe u ro.
Ōt achōi rang kōma ōt chōi u ro.
Siachōi apēk rang kōma siachōi pe u ro.
Anchi anāng kōma achi u ro.
Aton anāng kōma ton u ro.
Anditna dōn u ro
Nikhua anāi zei
8 Anditna rong le antāng nōk chu atei tutē kōma itē antāng u nō ro.
Asik chu mi tei andit thei tak chu akip zita dān azī thei mi ani na.
9 Asik chu chongpēk sōma han:
“Uire nō ro,
Mi that nō ro.
Marusa nō ro,
Milaka ariatpui chang nō ro,
Mi ta ning ōl nō ro,”
ati na.
Hanūk chu atei atei chongpēk um om rase hanum nisela hiva ngāi dōra ei kipna chu,
“Na in kōl mi chu na ninga nei andit anga madit ro,”
(Lev.19:18 )
ti chong hīn ei makhip zit ani na.
10 Anditnān ain kōl mi ranga asa nōk thō mak,
hasik han dān ei hekna chu anditna rong kēng.
11 Hava duai ni mak,
atun lāi taka hun om zia hi na riat u na.
Atun hin insang alāka anthui hun na ni u zei.
Asik chu koinīn na iam mānsa lāi nēka atun hin sandamna chu nei nāi riam kēng ani zei.
12 Zān ahek vit rang ani zei,
khua ahong avār rang ani zei.
Hasika han azīng sin thō ngāi dōra amāka,
Ra-āng rālthuam chu atiang u rei.
13 Zu bual sa buala ni mak.
Anri anhāia ni mak,
andit anzūr le hurna ngalnana ni mak,
ansual ankhal le khāmareta ni mak,
tenchu sūn avāra ansūk le anhui sabaka kal chōi u rei.
14 Hava ngāi nēk ten,
Puma Isua Krista chu raliang anga makhop u ro.
Na taksa u na āsia ning ōlna ankhip ranga itē mandon u nō ro.