Thānkhur akorong
20
1 Hatuka chu hapta anphutna nikhua mānsa ārkhuan chunga zīngphit mānsana,
Magdalini Mari chu thāna asēna.
Thān āta lung chu ankhāia avamu na.
2 Hasika han atān chiana Simon Peter le azolāi angkhat Isuan ei madit kōma asēna.
Amāni kōma:
“Thān āta Puma chu ama ruk viak u zei.
Hontiang mo ei siak u ani zei riat lāi mak me,”
avati na.
3 Hatuka Peter le azolāi angkhat ha asuak u na thān tiang apan u na.
4 Amāni annī atān rit u na.
Hava zolāi angkhat hān Peter chu akhēl vinga thāna avasuak mānsana.
5 Hatuka thuai tiang anbūna,
asūng avavēnga puan annāl ngāi chu a om chīta avamu na.
Hanum nisela asūnga chu valūt mak.
6 Simon Peter chu anūka avasuakām thān sūnga avalūt lena puan annāl ngāi ānbuk chīta om avamu na.
7 Isua alu anthuamna puan tuidui a om ha puan annāl ngāi bila om mak.
Tenchu abinga mun ateia puan annāl chu anthep chīta om amu na.
8 Hatuka hava zolāi angkhat thān avasuak mānsapu hān asūnga avalūta.
Hankēng avamu na ei iam ani zeia.
9 Asik chu āthī ngāi bil āta Isua chu ei anthui ngēt rang ti Pathian Lekhabūna anziak ha ei la riat thei u nōk ani na.
Magdalini Mari
kōma Isua anlang
10 Hatuka chu zolāi ngāi chu a in u chipa akīr rēt u na.
11 Tenchu Mari chu thān kōla anding chiana achapa.
Achap chunga anbūna thān asūng avavēnga.
12 Hatuka vānpalāi ngāi anni puan ngui ansil chu amu na.
Isua aruak ei manzāl u na han ansut u na.
Alu ei siak u na tiang angkhat,
ake ei thuan u na tiang angkhat a om u na.
13 Amāni hān akōma:
“Nupang,
isik mo nei chap?”
ati u na.
Amān akōm u na:
“Ka Puma amaruka achōi viak u zei,
hanūk chu hontiang mo ei siak u ani zei kei riat lāi nōk sika kei chap,”
ati na.
14 Hava ngāi ati suale anūk tiang anhoia Isua ānding chian amu na.
Tenchu ama ha Isua ani ati na riat mak.
15 Isuan akōma:
“Nupang,
isik mo nei chap?
Tu mo nei ravān?”
ati na.
Tenchu amān rahuan a enpu khat kēng ei ni rang ati na amandona.
Hasika han akōma:
“Ka pu,
hivan āta nei khāi aniten,
nei siakna mun na man thei ro ba.
Ama chu kei chōi theina rang,”
ati na.
16 Isuan akōma:
“Mari,”
ati na arakōka.
Ama chu anhoia akōma Hebrai chonga:
“Rabboni!”
ati na arakoka.
Hava ti na chu “Anānchūpu,”
ti na ani na.
17 Isuan akōma:
“Na tōn nō ro.
Asik chu,
atun tena ka Pa kōma la sē makung.
Tenchu ka parual ngāi kōma sē tānla amāni kōma:
‘Ka Pa le na Pa u,
ka Pathian le na Pathian u kōma ākīr rang ka ni zei,’
ati ti na vamanthei ro,”
ati na.
18 Hankēng Magdalini Mari chu zolāi ngāi kōma asēna.
Hatuka amān hontin mo Puma ei mu le,
akōma chong ei ril ngāi dōra avamantheia.
Isua azolāi ngāi kōma anlang
19 Hatuka chu hava hapta phutna nikhua mānsa khīt dēna zānazīng bupa zolāi ngāiin Jihudi ngāi ei chi u sika ei om u na suakkhār dōra chu akhār chīt u na.
Hanum nisela Isua alāi u taka ahong āndinga.
Hatuka akōm u na:
“Na chung u na phūkdāina om rase,”
ati na.
20 Hava aril suale amāni kōma akut ngāi le akāng aman mu na.
Zolāi ngāiin Puma chu amu u na arāi asān sabak
u na.
21 Isuan akōm u na:
“Na chung u na phūkdāina om rase.
Pan ei na tīr anga koi um nangni ngāi kei na tīr u,”
ati rēta.
22 Hava ati suale achung u na aphūk sānna asēma.
Hatuka akōm u na:
“Ratha Ānthiang chang u ro.
23 Tukareng āsia thō nei madual u tak chu anduala om inti.
Tukareng āsia thō nei madual u nōk tak chu andual luia om inti,”
ati na.
Thoma kōma Isua anlang
24 Tenchu hava han Isua akōm u na ahong lāi han sōmleianni ngāi bila angkhat Thoma,
mīn Didumo ei ti ha amāni bila
Tenchu amān akōm u na:
“Akuta khorka anhēmna nūk ka mu nōka,
khorka anhēmna nūka ka kut chal le ka tōn nōka akānga ka kut le ka tōn nōk ten iam thak nō ning,”
ati na.
26 Hatuka ni riat suale zolāi ngāi chu in sūnga ankhōm rēt u na.
Thoma hām abil u na a om a.
Suakkhār dōra ānkhār chīt ani na.
Tenchu hava lāi tak han Isua akār u na ahong āndinga.
Akōm u na:
“Na chung u na phūkdāina
om rase,”
ati na.
27 Hatuka chu Thoma kōma:
“Hiva hin na kutchal le hong tōn tānla ka kut ngāi hi en ro.
Hanūk chu na kut hong sōn tānla ka kāng hong tōn ro.
Aiam nōk ni nō tānla aiam mi ni ro,”
ati na.
28 Thoman akōma:
“Ka Puma le ka Pathian na ni zei,”
ati na amasanga.
29 Isuan akōma:
“Thoma,
nei na mu sika nei na iam kēng.
Tenchu āmu nōka aiam ngāi kēng bōrsāng atung u,”
ati na.
30 Isuan azolāi ngāi mitmuna sinsiana atei atei ātampa ei man lang ani zeia.
Hava ngāi ha hiva lekhabūna anziak lāi mak.
31 Tenchu Isua hi Krista,
Pathian Nāi Pasal ani ti nei iam u na ranga,
hanūk chu aiam mi nei chang u na ama raminga tāituan damna nei man thei u na ranga hiva ngāi hi kei maziak ani na.