Yesus nyahkang ulun kehtot
(Mat. 9:1-8; Luk. 5:17-26)
2
Arok pirak ondo hulik erih, Yesus bulik nok noku Kapernaum, khavun kesah ah kongihan ulun nuk amo-amoh ngindoi Iyok arok nuk lohpo. 2 Umbot erih tumbuk ulun lombut. Idoh hokorumbuk nuk anai sapai yarok nai unuk kan ulun tuot konguan ulun, nuk baun tukang pun tuvik konguan ulun. Khavun Yesus ngesah Auh Hotalak ahkan doh. 3 Lambak Yesus bokesah, arok ohpat behtik ulun nandu icok behtik ulun jok kehtot ahkan ngitot ah noku Yesus. 4 Tului ulun yamios karon doh idoh yam taꞌan doh ngononik Yesus. Jadik idoh nuhkat kuk isung sahpo lohpoa erih. Khavun doh ohpat ngahkas sahpo erih tumbas nuk isung Yesus, uwas umbot noh kahkas ah idoh nguluh nohkak ulun kehtot erih nahtup tandu ah. 5 Beteng Yesus nohtok ah yamios kopocayak doh, Yesus bokesah kan ulun jok kehtot erih: “Anak Kuk dolang dosa muk uwas kongapun Kuk noh.”6 Arok pirak behtik guruk agamak Yahudi jok tuot nuk anai, bokiso-kisok luvang ahtoi doh, hiyon doh: 7 “Bohanyik tegas ulun tuh bokesah noing erih! Iyok ngohinak Hotalak. Yarok jok touk ngapun dosa, salak mbak Hotalak kiak.”
8 Beteng erih kak Yesus taꞌai nuk luvang ahtoi Ah inon jok pomihkir doh. Khavui Ah ngisok doh: “Ngombai ihkam bokisok koderih nuk luvang ahtoi mik? 9 Amoh leh jok mohinai: ngohavot: ‘Dosa muk uwas kongapun’, atau ngohavot ‘Kuat nai, ngahtang ah nuk pongaling muk khavun nyalan nai’? 10 Tahpik huntuh Ahkuk mokarah ah ahkan mik ngindoi nuk duniak tuh Anak Kolunon bokuasak ngapun dolang dosa.” Khavun Yesus marak ahkan ulun jok kehtot erih: 11 “Monyun nai, ngahtang tandu muk bulik!”
12 Khavun ulun jok uwas pios tahkan kehtot ah erih tombok turus ngahtang tandu ah khavui tulak boluak kihtan ulun arok jok unuk anai. Ulun arok dolang erih salut khavun doh momuji Hotalak. Hiyon doh: “Aꞌang jok kolo ihtuh jaham pujik kai nohtok ah!”
Lewi ponahkih pajak ngohasuk Yesus
(Mat. 9:9-13; Luk. 5:27-32)
13 Khavun Yesus tulak hinok noku kovang Danau Galilea. Tumbuk ulun lombut noku Iyok khavui ngajar idoh. 14 Uwas umbot noh Yesus ngajar Iyok nyalan khavui Ah nohtok arok icok behtik ponahkih pajak ngarai ah Matiusb, iyok anak Alpeus. Matius tuot nuk ulun baꞌas ngombayar pajak khavun Yesus ngononik iyok, Yesus marak ahkai ah: “Ihkok ngohasuk Ahkuk.” Beteng erih kak Matius nohtah korejak ah turus tombok ngohasuk Yesus.
15 Beteng Yesus kuman homboh umbak dolang murit Ah nuk lohpo Matius, arok kak ponahkih-ponahkih pajak jok bohkon khavun ulun jok konganggap iyam pios nuk mahtan ulun Yahudi erih, idoh tuot kuman hicok umbak Yesus. Tului tumbuk tahkan holang idoh jok ngohasuk Yesus. 16 Arok pirak behtik guruk agamak Yahudi tahkan kolompok Parisi nohtok Yesus khavun murit-murit Ah kuman hicok umbak dolang ponahkih pajak khavun ulun-ulun jok iyam konganggap pios erih. Jadik idoh ngisok murit Yesus: “Ngombai guruk muk kuman hicok umbak ponahkih pajak khavun ulun jok iyam pios atuh?”
17 Nyonih auh doh erih Yesus mutah ah: “Ulun jok pios iyam poduluk mbak dokter. Jok poduluk mbak dokter rih ulun jok poros. Kolo erih noh Ahkuk lombut ahkan naꞌah ulun bodosa ahkan doh botobat, iyam ahkan ulun jok marak arop ah paling hinut!”
Yesus monjelas ah ngombai dolang murit-murit Ah iyam puasa
(Mat. 9:14-17; Luk. 5:33-39)
18 Icok ondo beteng dolang murit Yohanes Pombaptis khavun dolang ulun Parisi honong puasa. Beteng erih arok pirak behtik ulun lombut noku Yesus khavun ngisok Yok: “Ngombai murit-murit Yohanes Pombaptis khavun ulun Parisi puasa, totahpik murit Emuk iyam?”
19 Yesus mutah ah: “Beteng bogavik sahkik koruh inon leh dolang tamu rih iyam kuman? Ngindoi pongantin bahkas arok humbak umbak idoh, pasti idoh kuman. 20 Totahpik ahkan lombut ohkot ah pongantin jok bahkas erih ahkan omin tahkan holang idoh. Kolo erih noh jok ahkan torjadik umbak Ahkuk, khavun beteng erih noh kak murit-murit Kuk ahkan puasa beteng kuk iyam nai hicok humbak, umbak idoh.
21 Iyam arok ulun jok nupang kolambik usang umbak tisan koromaꞌang jok bohuak. Tului tisan koromaꞌang erih ahkan ngoronyut sohinggak koromaꞌang jok usang erih ahkan botisah punak hajok hinok. 22 Koderih kak iyam arok ulun jok nguih danum anggur bohuak noku luvang katongc jok usang. Kotului anggur bohuak erih ahkan ngambang khavun nguan katong usang erih botisah. Ahir ah koduo-duok ah hajang. Anggur jok bohuak harus kongipos noku katong jok bohuak kak!”
Yesus ngajar mongenai Ondo Sabat
(Mat. 12:1-8; Luk. 6:1-5)
23 Beteng ondo Sabat, kotihkak Yesus nyihing kabun gandum, murit-murit Ah nguhtoi buhtup gandum erih ahkan ukun doh. d 24 Khavun ulun-ulun Parisi bokesah umbak Yesus: “Ngombai dolang murit Muk korejak beteng ondo Sabat, kotului aꞌang erih molanggar Hukum Taurat?”
25 Yesus mutah ah: “Iyam alik kam ngomasak ah leh jok konguan Daud, beteng Abyatar jok botugas ahkan Pomipin Agamak Yahudi jok Paling Isung. Beteng Daud khavun dolang jolahai ah bolouk iyam arok ukun doh. e f 26 Daud nyolong noku Lovun Hotalak khavun kuman roti jok uwas sonyurung noku Hotalak. Khavun roti erih pomagik ah kak ahkan dolang jolahai. Totahpik monurut Hukum Taurat dolang pomipin agamak Yahudi kiak jok touk kumai?”