Ʉlwipuuto lwa kʉsʉʉma ʉbʉtʉʉli
Kʉ mpaali gwa lwɨmbo. Ʉlwɨmbo ʉlwa Ndaabɨti. Ɨsya kʉbakʉmbʉsya abandʉ.
70
Gwe Kyala, ʉliisaga mbɨbɨmbɨbɨ kʉkʉmboka.Gwe NTWA, ʉkʉʉje ʉkʉndʉʉla.
2 Aba bikʉlonda ʉkʉʉngoga,
bafujuligwe nʉ kʉsʉʉka!
Aba bikʉsekela ʉkʉtaamigwa kwangʉ,
bakagigwe bakenye!
3 Aba bikʉtɨ, “Namunkeete!”
batoligwe nʉ kʉsʉʉka fiijo.
4 Looli boosa aba bikʉkʉlonda ʉgwe,
basekelege nʉ kʉhoboka.
Aba babʉganile ʉbʉpoki bwako,
bwila batɨgɨ, “Kyala atuufigwege!”
5 Looli ʉne ndɨ ntolwe, kangɨ naagiilwe,
gwe Kyala, ʉkʉʉje ʉkʉmbaakɨsya.
Gwe ntʉʉli gwangʉ, gwe mpoki gwangʉ,
gwe NTWA, ʉlɨngakaabɨlaga.