KALATA GWA JOONA
ƗSYAKɄLONGOSYA
Joona aalɨ nkunguluka ʉjʉ aafumile nkaaja kaa Gati-Efa nkiisʉ kya Isilaɨli. Aalɨ mwana gwa Amitai ʉgwa kɨkolo kya Sabuloni. Aaliko kʉ bʉʉmi akabalɨlo aka aalongosyaga ʉmalafyale Jelobwamu ʉgwa kɨbɨlɨ (2 Abanyafyale 14:25). Akabalɨlo ako ɨkiisʉ kya Isilaɨli nɨ kya Asyulu fyalɨ kɨlʉgʉ fiijo. Kyala aalɨntʉmile Joona ʉkʉbʉʉka kʉkaaja akanywamu akaa Ninibe nkiisʉ ɨkya Asyulu, kʉkʉbasoka abandʉ kʉnongwa jaa bʉtʉlanongwa bwabo.
Kalata ʉjʉ ikʉtʉmanyisya ʉkʉtɨ, ɨliipyana lyake Kyala afipeele ɨfikolo fyosa ɨfya nkiisʉ. Kangɨ kalata ʉjʉ ikʉtʉmanyisya ʉkʉtɨ, akajako ʉmundʉ najʉmo ʉjʉ abagiile ʉkʉsigɨla ɨmbombo jaa Kyala. Joona aakaanile ʉkʉbomba ɨmbombo jaa Kyala, leelo amaka gaa Kyala gaalɨmfimbɨliisye ʉkʉbʉʉka. Aabombile bo muumo Kyala aalondelaga. Kʉmmalɨɨkɨsyo, Joona aakaleele fiijo muno Kyala ababombiile abandʉ abaa kʉ Ninibe.