Ʉkʉntuufya Kyala
150
Muntuufyege ɄNTWA!Mumpaalege Kyala pabwikemo bwake,
mumpaalege mu mpaalanga gwake ʉnkʉlʉmba.
2 Muntuufyege kʉnongwa jaa mbombo syake ɨngʉlʉmba,
mumpaalege kʉnongwa jaa bʉsisya bwake ʉbʉkʉlʉmba.
3 Muntuufyege na koogo kaa ngangabwite,
muntuufyege nɨ kɨsango ni ipango.
4 Muntuufyege nɨ ndingala nʉ kʉmoga,
muntuufyege nɨ pelekete na malonge.
5 Muntuufyege nɨ ndingala,
mumpaalege nɨ pelekete ɨsi sikʉlɨla fiijo.
6 Ɨfipeligwa ɨfyʉmi fyosa fintuufyege ɄNTWA.
Muntuufyege ɄNTWA!