Surana Suro
Yohane
au nguru-nguruna
Pepongkaa lolita
Moula lolitanda to Sarani hangkoia, Yohane mouki sura au nguru-nguruna ide hangko i wanua Epesu, hai napakatuahe ope-ope to Sarani i propinsi Asia Kokoi.
I tempona Yohane mouki sura ide, arahe guru agama au moanti paturo au sala. Guru agama iti mangulihe: Kerisitu bara tou ane mewali manusia. Rauli wori: kehapiri kadake babehianta, bara moapa, lawi watanta pea au kadake. Au rapaioru guru agama iti iami kapande. Ahi bara rapaioru.
Yohane mopakanoto kamasalana ope-ope pepaturonda iti, nauli: Yesu iami Anana Pue Ala au mewali manusia. Ane moisake Pue Ala, hangangaa mobabehike apa au hintoto hai peundeaNa. Lempona, mokabahake dosanta, mampeulaike hawaNa, hai mombepokaahike hadua hai hadua.
Hampaka tunggaiana Yohane, talambi i 1Yoh. 5:13, au manguli: “Sura ide kuukiakau au mepoinalai i Anana Pue Ala bona niisa mpuu kamolambimimi katuwo maroa au bara mokahopoa.” I lalu sura ide tabasa bahangkia wati au mopakaroho lalunta bona taisa kamolambitami katuwo maroa hangko i Pue Ala (2:3,5-6; 3:10,14,24; 5:11-12,18-20).
Ihi sura
1. Pepongkana sura (1:1-4)
2. Ikita maidake i lalu kamabaana Pue Ala (1:5–2:27)
3. Ikita mewalike anana Pue Ala (2:28–4:6)
4. Ikita hangangaa maahi lalunta nodo kamaahina Pue Ala (4:7–5:5)
5. Ikita molambi katuwo maroa au bara mokahopoa (5:6-21)