Surana Suro
Peturu
au karombelana
Pepongkaa lolita
Surana Peturu au karombelana ide nauki i kasaeanami hangko damani napapate Datu Nero, mewali sura ide rauki hangko damani pare 68 M. I lalu sura ide Peturu moewa guru-guru agama au bara maroa babehianda hai au mopahawehe paturo au sala. Nauli Peturu, hangangaa mainga-ingake i guru agama au mepakanawohe, hai hangangaa tapakaroho peulanta i Pue Yesu. Napaturoa worike bona tapeulai mpuu paturo au tou, lawi paturo iti rapahaweake tauna au moita mata apa au nababehi Pue Yesu hai au mohadi ntalinga lolitaNa.
Au mopakasusa ntepuu laluna Peturu, iami guru au mepakanawohe. Rauli guru iti, Yesu barapi ina hawe hule i dunia (3:3-4). Nauli Peturu, Pue Yesu bara mani mai hule, lawi sabara mani Pue Ala i tauna au kadake (3:8-9). Agaiana hambela tempo, batena mai mogero dunia au kadake ide (3:10).
Ihi sura
1. Pepongkana lolita (1:1-2)
2. Hangangaa maroho pepoinalainta hai maroa babehianta (1:3-21)
3. Hangangaa mainga-ingake i guru agama au mepakanawo (2:1-22)
4. Hangangaa masisilolongake nakahawei Pue Yesu au karombelana (3:1-10)
5. Kahopoa sura (3:11-18)