Surana Suro
Peturu
au nguru-nguruna
Pepongkaa lolita
Au mouki sura ide iami Peturu, hadua hangko i topeguruna Yesu au hampulo hai rodua. Sura ide napakatuahe to Sarani au barahe to Yahudi au maida i tampo Asia Kokoi. To Sarani iti rapopeahi-ahihe anti pepoinalainda i Yesu. Arahe au rakakabosai (2:11-12; 2:15; 3:16; 4:4). Arahe au hawi tuwonda au rapopeahi-ahi ampunda (2:18-20). Ara worihe towawine au rapopeahi-ahi tobalilonda, lawi tobalilonda iti barahe mepoinalai i Yesu (3:1, 6).
I lalu sura ide, Peturu mopakaroho pepoinalainda bona mantahahe i lalu kapari. Nauli Peturu, hangko i kapari au morumpahe, ina tongawa kamarohona pepoinalainda (1:6-7; 4:12). Moula paturona ide, ane rapopeahi-ahike anti pepoinalainta i Yesu, hangangaa mengkoru liliuke i Pue Ala hai hangangaa tababehi liliu apa au maroa (4:19).
Ihi sura
1. Pepongkana sura (1:1-2)
2. Tatoia Pue Ala lawi Naweike peharunga au maroho (1:3-12)
3. Hangangaa malelaha katuwonta, lawi napoanake Pue Ala (1:13–2:10)
4. Hangangaa maroa babehianta i lalu dunia au kadake ide (2:11–4:19)
5. Paturo i tadulakonda to Sarani hai i tauna bosa (5:1-11)
6. Kahopoa sura (5:12-14)