Surana Suro
Yohane
au karombelana
Pepongkaa lolita
I lalu sura ide, Yohane bara mouki hangana. Nauki pea node: “Sura ide au hangko iriko, Tosaenda to Sarani,” lawi iami au motosaengi to Sarani. Hai hangko i ope-ope topeguruna Yesu, ia pearai au tuwo. Moula apa au nauki Yohane i watina kaisa, sura ide napakatua hadua tosae towawine hai ananahe. Agaiana moula guru agama au moisahe Ngkorana Pue, sura ide bara rapakatua hadua tosae towawine. Moula pelambianda, tosae towawine iti hai ananahe, lempona hambua jumaa to Sarani. Ara worihe au manguli: Yohane tou-tou mopakatu sura ide i hadua tosae towawine hai ananahe.
I lalu sura ide, Yohane mampopaingaahe bona mombepokaahihe hadua hai hadua (watina 6), hai bona mainga-ingahe i guru agama au moanti paturo au sala (watina 7, 9).