Surana Suro Paulu au nguru-nguruna i
Timotiu
Pepongkaa lolita
Paulu mopakatu sura ide i Timotiu, hadua tobalilo au mangura mani au mamporangai Paulu hangkoia i polumaona mobambari Ngkora Marasa. Umana Timotiu to Yunani hai inana to Yahudi (Suro 16:1). I tempona Paulu mouki sura ide, Timotiu ara i wanua Epesu, hai Paulu ara i Makedonia (1Tim. 1:3).
Ara bahangkia tunggaiana Paulu mouki sura ide. Kaisa-isa, mampohawaa Timotiu bona mokontohe tauna au moanti paturo au mepakanawo. Paturonda tauna iti mokabelai lolita hangko i Aturana Musa, agaiana barato tou karapeulaina. Moula paturonda, hangangaa mampeulaike atura-atura bona molambike katuwo maroa, pandirina barake peisa motambi, hai barake peisa maande au rapalia.
Kadua, Paulu mopahawe i Timotiu noumba rara mourusi bago i jumaa. Napakanotoa wori noumba poantinda tauna au peisa raangka mewali penatua hai diaken.
Kahopoana, Paulu mopaturo Timotiu noumba rara bona ia mewali hadua hawina Pue Yesu au maroa. Napaturo wori bona maroa poantina hai maroa pokadipurana ope-ope halaluna hampepepoinalai.
Ihi sura
1. Pepongkana sura (1:1-2)
2. Paulu mopahawea Timotiu rara mokadipura halalu hampepepoinalaina, hai napaturoa kana i babehia au hintoto i penatua hai diaken (1:3–3:16)
3. Paulu mopaturo Timotiu kana i pobagona (4:1–6:21)