Surana Suro Paulu au karombelana i
Timotiu
Pepongkaa lolita
Paulu mouki sura ide i tempona ratarunggu i wanua Roma kira-kira pare 66M. I tempo iti Paulu saemi, hai barapi ara tauna au mamporangai. Ia, lenggena nodo ina rahuku mate. Mewali, sura ide nauki Paulu hai napakatua Timotiu, hadua anantomoane au mahaemi naporanga. Sura ide mewali awilina Paulu i Timotiu.
Patoa paturona Paulu iami bona Timotiu mantaha. Paulu mowei wori Timotiu lolita bona ia mopahawe liliu Ngkora Marasa hai paturo au teuki i lalu Sura Malelaha. Nauri narumpa kapari hai raewa tauna, bago iti inee nakabaha; batena napobago liliu.
Paulu mampopaingaa Timotiu bona inee mampesuaki pombembehehe au bara mobundu hai au mopakarugi pea pekirinda tauna. Timotiu hangangaa mampopandiri Paulu i lalu katuwona. Hangangaa maroho pepoinalaina, sabara i ope-ope tauna, maahi i hangka rangana, hai mantaha i lalu kapari.
Ihi sura
1. Pepongkana sura (1:1-2)
2. Paulu manguli ngkaia kamaroana i Pue Ala anti pepoinalaina Timotiu (1:3-5)
3. Paulu mopaturo hai mopakaroho laluna Timotiu (1:6–4:8)
4. Paulu mopahawe kana i katuwona haduduana (4:9-18)
5. Kahopoa sura (4:19-22)