Zakari
Zakari sagɩ tə yuu wa sʋgʋ
Zakari, də Agəzwe nə swɩ̀n Yɩɩ nii sʋgʋ tə, máŋá nədʋ wa. Zakari sagɩ tə pwɛ̀ dəkurən bələ, ba ga wà tə pʋ́pʋ́nɩ́ máŋá nədʋ wa.
Təntən bwálɩ́ tə swapitərə 1, kʋ va kʋ yí swapitərə 8 wa, Zakari bɩrɩ yìə̀n nana Yuu-Tiu nə bɩrɩ wá. Malɩka nə gwìń yìə̀n təntə də̀ń ka bɩrɩ Zakari nə. Yɩɩ wá bà ʋ san ʋ lalʋʋ tə nə. Yɩɩ tə wá bɩrɩ ʋ dun tə Zwerizalɛmə wa. Ba wá pìí ba lwà Yɩɩ dìə̀ tə, máŋá tə wa Zorobabɛlə, də Yɩɩ joŋwana yun tɩ̀án nəkwɩa Zozuwe nə wá ya lʋʋ nii tə yáá tɩ̀án.
Sagɩ tə bələ nii bwálɩ́ tə zɩgɩ swapitərə 9 kʋ va kʋ yí swapitərə 14. Kʋ bwálɩ́ tə bɩrɩ Yɩɩ nə wá bʋ̀rɩ̀ dwíə́ tə nə yɩ Yɩzərayɛlə lɩ̀à jənduən bʋra nətʋ. Kʋ swɩ̀n pɩ̀ʋ́ yoo, ʋ nə yɩ jonu, ʋ nə yɩ bwàbwà ʋ ga də́ dɩ̀àn. Swapitərə 12, vɛrəse 9, kʋ va kʋ yí vɛrəse 14 wa, kʋ bɩrɩ də ʋ wá də́ càn, yá ʋ wá pa Yɩɩ lɩ̀à tə də́ dɩ̀àn. Zwerizalɛmə tɩ̀án dʋŋa tə nə swə ba dáá də, Yɩɩ tə wá də́ dɩ̀àn ba yuu wa.
Kʋ máŋá təntə wa, Yuu-Tiu wá də́ pàrɩ̀ tɩa yuu mama wa.
Ʋ cɩcɩ nə wá ya Yɩɩ ba nə wá bʋ ʋ nə.
Ləzoni tə mama wá yəni ʋ cɩcɩ yɩrɩ (14.9).
Sagɩ tə sʋyun
Swapitərə 1, kʋ va kʋ yí swapitərə 8 wa, Yuu-Tiu bɩrɩ yìə̀n, də kàrà Zakari nə.
Swapitərə 9, vɛrəse 1, kʋ va kʋ yí vɛrəse 8 wa, Yɩɩ wá cʋ̀gʋ̀ Yɩzərayɛlə lɩ̀à jənduən tə.
Swapitərə 9, vɛrəse 9, kʋ va kʋ yí vɛrəse 14 wa, Yɩɩ tʋn zəni ʋ lɩ̀à tə yɩra, ʋ ga pa ba sìə́.