Malaswi
Malaswi sagɩ tə yuu wa sʋgʋ
Máŋá tə Malaswi nə swɩ̀n Yɩɩ sʋgʋ tə, də Yɩɩ lɩ̀à tə pìí ba nan yongaʋ tə, ba bà Zwerizalɛmə wa fuən mama. Yɩzərayɛlə lɩ̀à tə yà dí yáá ba cʋgʋ Azwe də Zakari sʋ̀ràn tə, ba ga pìí ba lwà Yɩɩ dìə̀ tə. Kʋ máŋá tə wa, də Ɛsədərasə də Nehemi tə wà yongaʋ tə nan ba bà. Yɩzərayɛlə lɩ̀à tə yà pìí ba lwà Yɩɩ dìə̀ tə, yá lɩ̀à tə dàń yà nə ba Yɩɩ jʋnɩ, ndə kʋ nə mɛ nətʋ. Yɩɩ joŋi tə fwaŋʋ máŋá wa, ba yàá ja vàná ba nə ŋʋan, nə à yə̀ə́ tə nə yɩ gwànán, nə à yə̀ə́ tə yɩra nə ba zurə, ba ma fwa joŋi tə, ba pɩn Yɩɩ nə. Yɩɩ joŋwana tə yà nə mɛ sə ba bɩrɩ Yɩɩ lɩ̀à tə cɩ́gá cwəŋə tə, pɩn ba jɛ́n. Bara tə yà dʋga ba zandʋan kana, ba ga swe dwíə́ nəkaran bwɩ̀ɩ́. Mə yìə̀n təntə mama yɩrɩ nə, Malaswi yà caga ba nii nə, sə ba viviri ba kwa ba ma sà ba cʋna, ba ga pìí ba kwɛn ba də Yɩɩ nimarʋ tə, ba ga pa kʋ tə nə mɛ sə ba pa Yɩɩ nə. Ʋ swɩ̀n də Yuu-Tiu wá tʋn ʋ tʋntʋnʋ (Malaswi yɩrɩ tə də̀ń nə yɩ “à tʋntʋnʋ”, də Ebərə-ba sʋgʋ), ʋ nə nyən ndə Yɩɩ nii sʋ̀sʋ̀nʋ̀ Eli nə, sə ʋ bʋ̀rɩ̀ ʋ lɩ̀à tə bʋra, ʋ kwɛn ba ʋ lɩ durən wa, ʋ ga fwa zəni ba yɩra. Mə tʋntʋnʋ təntə nə wá tanɩ pɩ̀ʋ́ tə Yɩɩ nə kúrí túrí (Matiə 17:11; Likə 1:17).
«À wá tʋn à tʋntʋnʋ,
sə ʋ kwɛn cwəŋə ʋ pa nə.
Yá Yuu-Tiu tə á nə twarɩ,
wá zʋ ʋ dìə̀ tə wa,
ndə yii nə púə́ kʋ ga súrí nə.
Nimarʋ tʋntʋnʋ tə á nə pɩ̀à nə ʋ bɩ̀àn!» (3.1)
Sagɩ tə sʋyun
Lalʋʋ tə vɩga Yɩɩ ba dʋgʋ (1.1–2.16)
Yɩɩ wá bʋ̀rɩ̀ ʋ lɩ̀à tə bʋra ʋ ga fwa zəni ba yɩra (2:17–3.6-24)