Ba-Yígúrə́-Jə-Tiu yɩ jonu
3
1 Gwaran tə Davidə nə dɩga, máŋá tə wa ʋ nə dəri, ʋ bìú Abəsalomə yáá nə.
2 Ba-Yígúrə́-Jə-Tiu, à jarɩduən tə dáá zənzən!
Lɩ̀à dáá ba nə zàn, ba zɩga à nə.
3 Lɩ̀à dáá ba nə swɩ̀n à yoo, ba wʋ́:
«Yɩɩ wà mɛ, sə ʋ jon wá.» Zɩgɩ sìí bwálɩ́.
4 Yá n mʋ̀ Ba-Yígúrə́-Jə-Tiu cɩ̀ à nə, ndə nàtànà nə.
N mʋ̀ nə pɩn à jə dun,
n ga zɩ̀n à yuu yɩɩ nə.
5 À yàá bubwi à kə Ba-Yígúrə́-Jə-Tiu nə,
yá ʋ yàá zɩgɩ ʋ paan tə yuu wa, ʋ le nə. Zɩgɩ sìí bwálɩ́.
6 À yàá pə̀ń à dwɛ̀, à ga zàn.
Cɩ́gá, Ba-Yígúrə́-Jə-Tiu nə yɩ à sáŋʋ́.
7 Lɩ̀à mʋ̀rʋ̀ dəkurən mʋ̀rʋ̀ kapʋpʋ* zɩga à nə, yá ba fən ba nə jə.
8 Zàn yɩɩ nə, Ba-Yígúrə́-Jə-Tiu!
Zàn n jon nə, à Yɩɩ!
Cɩ́gá, n yàá yarɩ à dʋŋa tə mama pɩpara nə,
n ga kɛ́n wʋlʋnyɩna yelə.
9 Ba-Yígúrə́-Jə-Tiu nə yɩ jonu!
À lòrì sə n fwa zəni, n lɩ̀à tə yɩra! Zɩgɩ sìí bwálɩ́.