Lìù tə nə lòrì, sə Yɩɩ jon wá kʋ̀nkʋ̀na jɩɩn wa yɩjʋnɩ
4
1 Gwàgá yáá tíú gwaran, ba nə nuŋə də gwaran zɩla, ba nə sán də ŋoni. Davidə gwaran.
2 Cɩ́gá tíú Yɩɩ, à nə bubwi à kə n nə, sə n le nə!
À nə wulə jɩgwarʋ wa, n yàá jon nə.
Tʋn pubwanʋ à yɩra, n ga cʋgʋ à yɩjʋnɩ tə!
3 Á mʋ̀ ləzoni-ba, á wá fʋfʋlɩ nə, á mɛ nətə?
Á wá sóní sʋworən, á ga pú kʋ̀nkʋ̀n kwa, kʋ dán kʋ mɛ nətə? Zɩgɩ sìí bwálɩ́.
4 Á lwara də Ba-Yígúrə́-Jə-Tiu kúrí lìù, ʋ nə yɩ pùə́ nədʋ tíú.
À nə bon à kə Ba-Yígúrə́-Jə-Tiu nə, ʋ yàá cʋgʋ à kori.
5 Á lɩŋa wàá tə zaŋa, á nə dànà ká tʋn yolwan.
Á lilinə yìə̀n á bɩcanɩ wa, á tɩa paa wa, á ga pú á nii. Zɩgɩ sìí bwálɩ́.
6 Á fwaga jwəŋə tə, á nə mɛ sə á fwa,
á ga jələ Ba-Yígúrə́-Jə-Tiu yuu wa.
7 Lɩ̀à zənzən swɩ̀n, ba wʋ́:
«Wàà nə wá pa nə də́ ywánɩ́?
Súrí n yɩ́á nə yuu wa, Ba-Yígúrə́-Jə-Tiu!»
8 Yá n kəni pupwən nəfarʋ à mʋ̀ bɩcan wa,
ka nə dwə pupwən tə, lɩ̀à təntə nə yàá fwa,
də mɩna nə bɩga zənzən, ba divɛn də ga pùlì zənzən.
9 À nə zə́n à kə à səpuni tɩa, à yàá dwɛ̀ də bɩcan sìə́.
Cɩ́gá, n mʋ̀ Ba-Yígúrə́-Jə-Tiu cɩcɩ pɩn fən ba nə jə.