Ukalaata uwa Paavhuli kwa
Tiiti
Uvhwandilo
Ukalaata uno ásimviilwe nu mutumwa uPaavhuli kwa Tiiti (1:1, 4). Yikuloleha kuuti ásimvile umwaha uwa 65 pamo uwa 66 ishi, kufuma kupaapwa uYeesu Chilisiti. Ámusimbiiye umuntu we vhahatinji uTiiti, umuntu uno áamile ku Kileete. UTiiti áamile Muyunaani, ápindusile lwe uPaavhuli amulumbiilila (1:4; Vhagalati 2:3). Ávhomvile nu Paavhuli imbombo ya Mwene uYeesu Chilisiti amanda aminji. Ahavhaliilizyo hamo uPaavhuli ahamusontelezyaga kuvhomba imbombo iya Mwene mu nkaaya zimo (2 Vhakolinti 7:6-15; 8:6,16-24). Ahavhaliilizyo hamo vhahavhombaga pooka (1:5).
Insiivho zya Paavhuli kusimba ukalaata uno, zyámile zya kumuvhuuzya uTiiti kuuti amaliilizye imbombo ye vháyilesile, lwe vháamile pooka mu Kileete. Imbombo iyo yáamile ya kusevha avhalongozi mu vivhanza nu kuvhagomwa aVhachilisiti avha mu Kileete, mwe vháliipo avhasambiilizi avha malenga (1:9-16; 3:9-11).