On chanejkej yejuan nemij ipan on ueyikalpan Jerusalén
11
On israelitas yejuan tekiuajkej katkaj ipan on nación onochantijkej ipan on ueyikalpan Jerusalén. Niman on oksekimej israelitas okichijkej suertes para okixtijkej sen familia ipan cada majtlaktli familia para ma uiyan niman ma chantitij ipan on yektitikaj ueyikalpan Jerusalén. Niman on oksekimej familias onochantitoj ipan on oksekimej kalpanmej niman ueyikalpanmej. 2 Kemaj on israelitas okintiochijkej nochimej on yejuan san okinekkej yaskej para onchantiskej ipan on ueyikalpan Jerusalén.3 Más miyekej on israelitas, on tiopixkej, on levitas, on tekichijkej ipan on ueyitiopan niman on inuejkakoneuan itekitkauan Salomón ochantitoj ipan iminkalpan kampa achtoj chantiyaj. Pero oksekimej uejueyitlayekankej onochantijkej ipan on ueyikalpan Jerusalén.
4 Sekimej on israelitas yejuan iuejkakoneuan Judá niman Benjamín ouajlajkej niman onochantijkej ipan on ueyikalpan Jerusalén. Iuejkakoneuan Juda katkaj: Ataías (ikoneu katka Uzías, Uzías ikoneu katka Zacarías, Zacarías ikoneu katka Amarías, Amarías ikoneu katka Sefatías, niman Sefatías ikoneu katka Mahalaleel), iuejkakoneu* Fares; 5 niman Maasías, (ikoneu katka Baruc, Baruc ikoneu katka Colhoze, Colhoze ikoneu katka Hazaías, Hazaías ikoneu katka Adías, Adías ikoneu katka Joiarib, Joiarib ikoneu katka Zacarías, niman Zacarías ikoneu katka Siloni). 6 Nochimej on iuejkakoneuan Fares yejuan onokajkej para ochantikej ipan on ueyikalpan Jerusalén katkaj 468. Nochimej yejuamej katkaj tlakamej yejuan ueliyaj yayaj ipan guerra.
7 Niman on iuejkakoneuan Benjamín yejuan no onochantijkej Jerusalén katkaj: Salú (ikoneu katka Mesulam, Mesulam ikoneu katka Joed, Joed ikoneu katka Pedaías, Pedaías ikoneu katka Colaías, Colaías ikoneu katka Maasías, Maasías ikoneu katka Itiel, niman Itiel ikoneu katka Jesaías); 8 niman ikniuan yejuan imintoka katka Gabai niman Salai. Nochimej in katkaj 928. 9 Intlayekankau katka Joel, ikoneu Zicri; niman Judá, ikoneu Senúa, yejuan katka ika ome tlayekanki ipan on ueyikalpan.
10 On tiopixkej yejuan no onochantijkej Jerusalén katkaj: Jedaías, ikoneu Joiarib, Jaquín 11 niman Seraías, (ikoneu Hilcías, Hilcías ikoneu katka Mesulam, Mesulam ikoneu katka Sadoc, Sadoc ikoneu katka Meraiot, niman Meraiot ikoneu katka Ahitob), yejuan ueyi tlayekanki tiopixki a katka ipan iueyitiopan Dios. 12 No, ompa iminuan onokajkej oksekimej tiopixkej yejuan tekitiyaj ipan on ueyitiopan. Niman yejuamej katkaj 822. No ijki, ompa onokau Adaías, (ikoneu katka Jeroham, Jeroham ikoneu katka Pelalías, Pelalías ikoneu katka Amsi, Amsi ikoneu katka Zacarías, Zacarías ikoneu katka Pasur, niman Pasur ikoneu katka Malquías). 13 On yejuan ken kintaya Adaías, yejuan tlayekankej katkaj ipan infamilias katkaj 242. Niman no, ompa onokau Amasai, (ikoneu katka Azareel, Azareel ikoneu katka Azai, Azai ikoneu katka Mesilemot, niman Mesilemot ikoneu katka Imer). 14 On yejuan ken kintaya Amasai, yejuan ueliyaj yayaj ipan guerra, katkaj 128 tlakamej. Niman intlayekankau katka Zabdiel, ikoneu Gedolim.
15 On levitas yejuan no onochantijkej Jerusalén katkaj: Semaías, (ikoneu katka Hasub, Hasub ikoneu katka Azricam, Azricam ikoneu katka Hasabías, niman Hasabías ikoneu katka Buni); 16 Sabetai niman Jozabad, yejuan intlayekankauan katkaj on levitas. Yejuamej kiyekanayaj on tekitl yejuan nochiuaya ikiauak on iueyitiopan Dios; 17 niman Matanías (ikoneu katka Micaía, Micaía ikoneu katka Zabdi, niman Zabdi ikoneu katka Asaf), no semej de on levitas katka yejuan onochantijkej Jerusalén. Yejua kinyekanaya on yejuan nokuikatiayaj ijkuak kimakayaj tlaxtlauijli Dios. No, teuan katka Bacbuquías, yejuan katka ika ome ipan on familia, niman Abda (ikoneu katka Samúa, Samúa ikoneu katka Galal, niman Galal ikoneu katka Jedutún). 18 Nochimej on levitas yejuan onokajkej ipan on yektitikaj ueyikalpan Jerusalén katkaj 284.
19 On tsakuijlotlajpixkej yejuan no onochantijkej Jerusalén katkaj: Acub, Talmón niman on yejuan ken kintayaj. Niman nochimej yejuamej katkaj 172.
20 Niman nochimej on oksekimej israelitas, on tiopixkej niman on levitas, onochantijkej ipan oksekimej kalpanmej de on ueyitlalpan Judá. Cada se ochantik ipan itlal. 21 Pero on yejuan tekichiuayaj ipan on ueyitiopan onochantijkej ipan sen colonia de Jerusalén itoka Ofel. Intlayekankauan katkaj Ziha niman Gispa.
22 Intlayekankau on levitas de Jerusalén katka Uzi, (ikoneu katka Bani, Bani ikoneu katka Hasabías, Hasabías ikoneu katka Matanías, niman Matanías ikoneu katka Micaía). Uzi katka teuejkakoneu itech Asaf. Yejuamej levitas katkaj yejuan nokuikatiayaj ipan iueyitiopan Dios. 23 On rey ijki otlanauatij para mojmostla ma nopatlatiakan yejuan nokuikatiskej.
24 On tlapaleuijketl yejuan kinotsaya on rey ijkuak on israelitas itlaj kitlajtlaniyaj, katka Petaías, (Petaías katka ikoneu Mezesabel, Mezesabel katka iuejkakoneu Zera, niman Zera katka ikoneu Judá).
On israelitas yejuan onochantikej ipan oksekimej kalpanmej
25 Sekimej yejuan de itribu* Judá onochantijkej ipan on uejueyikalpanmej de Quiriat-arba, Dibón, Jecabseel, 26 Josué, Molada, Bet-pelet, 27 Hazar-sual, Beerseba, 28 Siclag, Mecona, 29 En-rimón, Zora, Jarmut, 30 Zanoa, Adulam, Laquis, niman Azeca. Niman sekimej onochantijkej ipan inkalpanuan pipitikej on uejueyikalpanmej nisiu incampos. Onochantijkej desde Beerseba kampaka sur hasta on ixtlauatl Hinom kampaka norte.
31 Niman on yejuan de itribu* Benjamín onochantijkej ipan on kalpanmej Geba, Micmas, Aía, Betel niman ipan inkalpanuan pipitikej. 32 Niman no onochantijkej ipan on kalpanmej Anatot, Nob, Ananías, 33 Hazor, Ramá, Gitaim, 34 Hadid, Seboim, Nebalat, 35 Lod, Ono, niman ipan on Ixtlauatl itoka Tlamachijchijkej. 36 Niman sekimej levitas yejuan chantiyaj Judá onochantitoj ipan iueyitlalpan itribu Benjamín.