9
Ijkin nochimej on israelitas okinmijkuilojkej ipan on amamoxtli* kampa tlajkuilolnestokej on reyes de Israel.On yejuan ouajnokuepatoj Babilonia
On tlakamej okinkixtijkej Judá niman okinuikakej Babilonia ken castigo ipampa inxompayejyeualis.
2 On yejuan achtoj oksejpa onochantijkej ipan imintlaluan niman ipan on uejueyikalpanmej ne Judá katkaj: israelitas, tiopixkej, levitas niman yejuan tlapaleuiyayaj ipan on yektiopan. 3 Ne Jerusalén onochantijkej iuejkakoneuan Judá, Benjamín, Efraín niman Manasés.
Iuejkakoneuan Judá yejuan chantiyaj ne Jerusalén
4 Sen familia yejuan ompa chantiya, ifamilia katka Utai. Utai yejua katka ikoneu Amiud, Amiud yejua katka ikoneu Omri, Omri yejua katka ikoneu Imri, Imri yejua katka ikoneu Bani, Bani yejua katka iuejkakoneu* Fares, niman Fares yejua katka ikoneu Judá. 5 Oksekimej no ompa chantiyaj ne Jerusalén yejuan kisaj itech infamilias on silonitas teuan Asaías on yejuan yenkuiyotl katka. Yejua ompa chantiya iuan ikoneuan. 6 Niman Jeuel, yejuan iuejkakoneu* katka Zera, ompa chantiya iuan on yejuan ken kinta. 690 iuejkakoneuan Judá chantiyaj ne Jerusalén.
Iuejkakoneuan Benjamín yejuan chantiyaj Jerusalén
7 De on yejuan iuejkakoneuan Benjamín yejuan chantiyaj Jerusalén katkaj:
Salú yejua katka ikoneu Mesulam,
Mesulam yejua katka ikoneu Hodavías,
Hodavías yejua katka ikoneu Asenúa;
8 Asenú yejua katka ikoneu Ibneías,
Ibneías yejua katka ikoneu Jeroham,
Jeroham yejua katka ikoneu Ela,
Ela yejua katka ikoneu Uzi,
Uzi yejua katka ikoneu Micri,
Micri yejua katka ikoneu Mesulam,
Mesulam yejua katka ikoneu Sefatías,
Sefatías yejua katka ikoneu Reuel,
niman Reuel yejua katka ikoneu Ibnías.
9 Ipan on amamoxtli* kampa tlajkuilolnestokej on familias, kijtoua ika iuejkakoneuan Benjamín yejuan chantiyaj ne Jerusalén niman tlayekankej katkaj impan iminfamilias, katkaj 956.
On tiopixkej yejuan chantiyaj Jerusalén
10-11 On tiopixkej yejuan ouajnokuepatoj iuan infamilias katkaj:
Jedaías, Joiarib, Jaquín, niman Azarías.
Azarías yejua katka ikoneu Hilcías,
Hilcías yejua katka ikoneu Mesulam,
Mesulam yejua katka ikoneu Sadoc,
Sadoc yejua katka ikoneu Meraiot,
Meraiot yejua katka ikoneu Ahitob,
niman Ahitob tlayekanki katka
inka on yejuan tlajpiyayaj ipan ichan Dios.
12 Oksekimej tiopixkej katka:
Adaía yejua katka ikoneu Jeroham,
Jeroham yejua katka ikoneu Pasúr,
Pasúr yejua katka ikoneu Malquías,
Malquias yejua katka ikoneu Masai,
Masai yejua katka ikoneu Adiel,
Adiel yejua katka ikoneu Jazera,
Jazera yejua katka ikoneu Mesulam,
Mesulam yejua katka ikoneu Mesilemit,
niman Mesilemit yejua katka ikoneu Imer.
13 On tiopixkej yejuan ouajnokuepatoj iuan infamilias katkaj, se mil 760. Nochimej yejuamej tlayekankej katkaj ipan infamilias niman sanoyej kuajli kichiuayaj imintekiu ipan ichan toTEKO.
On levitas yejuan chantiyaj Jerusalén
14-16 On levitas yejuan chantiyaj ne Jerusalén katkaj:
Semaías yejua katka ikoneu Hasub,
Hasub yejua katka ikoneu Azricam,
Azricam yejua katka ikoneu Hasabías,
Hasabías yejua kisa ipan ifamilia Merari,
Bacbacar, Heres, niman Galal yejua katka ikoneu Matanías,
Matamías yejua katka ikoneu Micaía,
Micaía yejua katka ikoneu Zicri,
Zicri yejua katka ikoneu Asafat,
Asaf yejua katka ikoneu Obadías,
Abdías yejua katka ikoneu Semaías,
Semaías yejua katka ikoneu Galal,
Galal yejua katka ikoneu Jedutún,
Jedutún yejua katka ikoneu Berequías,
Berequías yejua katka ikoneu Asa,
Asa yejua katka ikoneu Elcana,
niman Elcana ochantik ipan on pipitikej kalpanmej de on netofatitas.
On tsakuijlotlajpixkej yejuan chantiyaj Jerusalén
17 On tsakuijlotlajpixkej yejuan chantiyaj ne Jerusalén katkaj: Salum, Acub, Talmón, niman Ahimán niman on yejuan ken kintaj. Salum imintlayekankau katka. 18 Hasta aman, yejuamej kitlajpiyayaj on tsakuijlotl itoka Itsakuijlou on Rey yejuan nokaua kampaka ikisayan tonaltsintli. Ye uejkaui, in yejuamej tlajpiyayaj ipan on tsakuilomej de on incampamento on levitas.
19 Salum yejua katka ikoneu Coré, Coré yejua katka ikoneu Ebiasaf, Ebiasaf yejuan ikoneu katka Coré. Yejua niman on yejuan ken kinta coreitas. Yejuamej tlajpiyayaj ipan ikalakiyan on tabernáculo*, ken achtoj tlajpiyayaj iminachtojtajuan ipan ikalakiyan icampamento toTEKO.
20 Achtoj de on, Finees, yejuan ikoneu Eleazar, intlayekankau katka yejuamej, niman toTEKO nemiya iuan.
21 Zacarías, ikoneu Meselemías, tsakuijlotlapixketl katka ipan on tabernáculo* kampa nonamikiyaj iuan Dios.
22 Nochimej on tsakuijlotlapojkej yejuan okintlalijkej katkaj 212. Imintoka cada se nestikaj ipan on amamoxtli* kampa okinmijkuilojkej on familias ne ipan ikalpan kampa chantiyaj. Yejuamej okinmijkuilojkej on familias ipan on kalpanmej kampa chantiyaj. David niman Samuel on tiotlajtojketl okintenejkej para yejua in tekitl, pampa okintakej ika kuajli nouikayaj. 23 On tsakuijlotlapixkej niman iminkoneuan nopatlatiayaj para cuidarouayaj ikalakiyan ichan toTEKO, kijtosneki, on tabernáculo. 24 On tsakuijlotlapixkej tlacuidarouayaj ipan inaui lado on tabernáculo: kampaka ikisayan tonaltsintli niman kampaka ikalakiyan tonaltsintli, kampaka norte niman kampaka sur. 25 On yejuan ken kintayaj, yejuan chantiyaj tlajtlaluis ipan iminkalpanuan, uajlajtiayaj para iminuan nopatlayaj chikome tonajli. 26 Pero on nauimej tsakuijlotlapixkej yejuan tlayekankej, nochipa tlajpiyayaj. Yejuamej levitas katkaj niman yejuamej kincuidarouayaj on cuartos niman tesoros yejuan onkatkaj ipan ichan Dios. 27 Kochiyaj iyejyeualkan on tabernáculo, pampa imintekiu katka tlajpiyaskej niman kintlaposkej on tsakuijlomej nochipa ijkuak kualkan. 28 Sekimej levitas cuidarouayaj on tlajtlamach* yejuan kitekitiltiayaj ijkuak kimauistiliayaj toTEKO. Yejuamej kinkixtiayaj ijkuak kintekitiltiayaj niman kimpouayaj ijkuak kinmeuayaj. 29 Oksekimej cuidarouayaj okseki tlajtlamach* yejuan tlatiochijtli ipan on yektiopan, niman no cuidarouayaj on harina, on vino, on aceite, on kopajli niman on ajuiyalistin. 30 Pero sekimej de on tiopixkej yejuamej kichijchiuayaj on ajuiyalistin. 31 Sen levita yejuan itoka katka Matatías, yejuan iyenkuiyou katka Salum, niman iuejkakoneu* katka Coré, yejua itekiu katka kichijchiuaya on pan para on tlaixpan. 32 Sekimej yejuan ken kinta itech inuejkatataj Coat, imintekiu katka kichijchiuayaj on pan tlatiochijtli yejuan kitekpanayaj ipan mesa cada Sábado ne ipan ichan Dios. 33 No ijki, nemiyaj on yejuan nokuikatiaj yejuan tlayekankej katkaj ipan on familias levitas. Yejuamej chantiyaj ipan on cuartos yejuan onkatkaj ipan on yektiopan, niman xkichiuayaj okse tekitl, pampa ipan tonajli niman ipan yeuajli san ika nokauayaj tekitiyaj ipan on yektiopan.
34 Ipan on amamoxtli* kampa tlajkuilolnestokej on familias, kijtoua ika in yejuamej tlayekankej katkaj intech on familias levitas yejuan chantiyaj ne Jerusalén.
Ifamilia Saúl
(1Cr 8.29-40)
35 Ipan on ueyikalpan Gabaón, chantiya sen tlakatl itoka Jehiel. Yejua tajtli katka de Gabaón niman Isiuau itoka katka Maaca. 36 Jehiel okipix majtlaktli ikoneu. On yenkuiyotl itoka katka Abdón. On oksekimej katkaj: Zur, Cis, Baal, Ner, Nadad, 37 Gedor, Ahío, Zacarías niman Miclot, 38 Miclot yejua itajtaj katka Simeam. Yejuamej chantiyaj nisiu imintech on yejuan ken kintaj ne Jerusalén.
39 Ner okipix sentetl ikoneu yejuan itoka katka Cis. Cis okipix sentetl ikoneu yejuan itoka katka Saúl. Saúl okimpix nauimej ikoneuan yejuan intoka katkaj: Jonatán, Malquisúa, Abinadab, niman Es-baal. 40 Jonatán okipix sentetl ikoneu yejuan itoka katka Merib-baal. Merib-baal okipix sentetl ikoneu yejuan itoka katka Micaía. 41 Micaía okimpix nauimej ikoneuan yejuan intoka katkaj: Pitón, Melec, Tarea niman Acaz. 42 Acaz okipix sentetl ikoneu yejuan itoka katka Jara. Jara okimpix yeyimej ikoneuan yejuan intoka katka: Alemet, Azmavet, niman Zimri. Zimri okipix sentetl ikoneu yejuan itoka katka, Mosa. 43 Niman Mosa okipix sentetl ikoneu yejuan itoka katka Bina. Bina okipix sentetl ikoneu yejuan itoka katka Refaías. Refaías okipix sentetl ikoneu yejuan itoka katka Elasa. Niman Elasa okipix sentetl ikoneu yejuan itoka katka Azel.
44 Azel okimpix chikuasemej ikoneuan yejuan imintoka katka: Azicam, Bocru, Ismael, Seraías, Obadías niman Haman.