Iuejkakoneuan Benjamín
8
Ikoneuan Benjamín makuilmej katkaj: Bela ikoneu yejuan yenkuiyotl, Asbel yejuan ika ome, Ahara yejuan ika yeyi, 2 Noha yejuan ika naui, niman Rafa yejuan ika makuijli. 3 Ikoneuan Bela chiknauimej katkaj: Adar, Gera, Abiud, 4 Abisúa, Naamán, Ahoa, 5 Gera, Sefufán niman Hiram.6 On ikoneuan Aod tlayekankej katkaj ipan infamilias yejuan chantiyaj Geba. Yejuamej okinchiualtijkej ma kisakan niman ma chantitij Manahat. 7 Yejuamej yeyimej katkaj: Naamán, Ahías niman Gera. Gera yejua imintataj katka Uza niman Ahiud, okinuikak ne Manahat.
8 Saharaim okimpix oksejkimej ikoneuan ipan on país Moab, sakin* ijkuak yonoxotonij iuan Husim, isiuau, niman Baara on okse isiuau. 9 On ikoneuan yejuan okimpix iuan on yenkuik isiuau, yejuan itoka Hodes, chikomemej katkaj: Jobab, Sibia, Mesa, Malcam, 10 Jeús, Saquías niman Mirma. Yejuamej in katkaj ikoneuan yejuan onochijkej tlayekankej ipan infamilias.
11 Ikoneuan yejuan okimpix iuan Husim isiuau, omemej katkaj: Abitob niman Elpaal. 12 Ikoneuan Elpaal yeyimej katkaj: Heber, Misam niman Semed. Semed okinchijchiu on uejueyikalpanmej Ono niman Lod, iuan iminkalpanuan pipitikej yejuan onkatkaj iminyeuelkan. 13 Bería niman Sema tlayekankej katkaj ipan on familias yejuan chantiyaj ne ipan iueyikalpan Ajalón. Yejuamej okinkixtijkej on yejuan yeuejkaui chanejkej katkaj ne ipan iueyikalpan Gat. 14 Ikniuan Bería omemej katkaj: Sasac niman Jeroham.
15-16 Ikoneuan Bería chikuasemej katkaj: Zebadías, Arad, Ader, Micael, Ispa niman Joha. 17-18 Ikoneuan Elpaal chikomemej katkaj: Zebedías, Mesulam, Hizqui, Heber, Ismerai, Jezlías niman Jobab. 19-21 Ikoneuan simei chiknauimej katkaj: Jaquim, Zicri, Zabdi, Elienai, Ziletai, Eliel, Adaías, Beraías niman Simrat. 22-25 Ikoneuan Sasac matlaktli uan semej katkaj: Ispán, Heber, Eliel, Abdón, Zicri, Hanán, Hananías, Elam, Anatotías, Ifdaías niman Peniel. 26-27 Ikoneuan Jeroam chikuasemej katkaj: Samserai, Seharías, Atalías, Jaresías, Elías niman Zicri. 28 Yejuamej in katkaj tlayekankej ipan infamilias ken tlajkuilolnestikaj ipan itlakamekayo Benjamin. Yejuamej ochantikej ne Jerusalén.
Ifamilia Saúl
29 Ipan on ueyikalpan Gabaón chantiya Jehiel, itataj Gabaón. Isiuau itoka katka Maaca. 30 Ikoneuan matlaktlimej katkaj: Abdón, on yejuan yenkuiyotl, Zur, Cis, Baal, Ner, Nadab, 31 Gedor, Ahío; Zequer, 32 niman Miclot, yejuan itajta Simea. Niman no, yejuamej in chantiyaj ne Jerusalén iminuan on yejuan ken kinta.
33 Ner itajta katka Cis, niman Cis itajta katka Saúl. Ikoneuan Saúl nauimej katkaj: Jonatán, Malquisúa, Abinadab niman Es-baal. 34 Ikoneu Jonatán katka Merib-baal, yejuan itajta Micaía. 35 Ikoneuan Micaía nauimej katkaj: Pitón, Melec, Tarea niman Acaz. 36 Ikoneu Acaz katka Joada, niman ikoneuan Joada katkaj Amelet, Asmavet niman Zimri. Ikoneu Zimri katka Mosa, 37 niman ikoneu Mosa katka Bina, niman ikoneu Bina katka Rafa, niman ikoneu Rafa katka Elasa, niman ikoneu Elasa katka Azel.
38 Ikoneuan Azel katkaj chikuasemej, yejuan imintoka katka: Azricam, Bocru, Ismael, Searías, Obadías niman Hanán. Yejuamej in katkaj ikoneuan Aziel.
39 Ikoneuan Esec ikniu, katka: Ulam yejuan yakatstiu, Jehús, yejuan ika ome, niman Elifelet yejuan ika yeyi. 40 Ikoneuan Ulam katkaj soldados yejuan xmojkej, niman sanoyej ueliyaj kitekitiltiayaj arcojtlaminaltin. Okimpixkej sanoyej miyekej inkoneuan niman iminixuiuan. Yejuamej katkaj 150. Nochimej yejuamej katkaj iuejkakoneuan Benjamín.