Iuejkakoneuan Isacar
7
Ikoneuan Isacar nauimej katkaj: Tola, Fúa, Jasub niman Simrón.2 Ikoneuan Tola chikuasenmej katkaj: Uzi, Refaías, Jeriel, Jahmai, Jibsam niman Samuel. Yejuamej tlayekankej katkaj ipan on ifamilias Tola niman tlakamej yejuan xmojkej ken kinmixmatij ipan on familias. Ipan on tonaltin ijkuak nemiya David, on iuejkakoneuan katkaj 22 mil 600.
3 On ikoneu Uzi katka Israhías. Ikoneuan Israhías nauimej katkaj: Micael, Obadías, Joel niman Isías. Nochimej yejuamej makuiltimej tlayekankej katkaj ipan iminclanes. 4 Pampa kimpiyayaj miyekej insiuauan niman inkoneuan, on miyekej familias iminkoneuan onochijkej sanoyej miyekej soldados yejuan ye ueliskiaj yaskiaj ipan nouijsokilistli. Yejuamej katkaj 36 mil tlakamej. Nochimej yejuamej katkaj tlakamej yejuan xmojkej.
5 Ifamilia Isacar yejuan okimpojkej, ijkon ken tlajkuilolnestokej ipan on amamoxtli* de ifamilia, katkaj 87 mil tlakamej. Nochimej yejuamej xmojkej katkaj.
Iuejkakoneuan Benjamín
6 Ikoneuan Benjamín yeyimej katkaj : Bela, Bequer niman Jadiael.
7 Ikoneuan Bela makuiltimej katkaj: Esbón, Uzi, Uziel, Jerimot niman Iri. Nochimej yejuamej tlayekankej ipan familias niman tlakamej yejuan xmojkej. Ijkon ken tlajkuilolnestokej ipan on amamoxtli* de infamilia, iminuejkakoneuan katkaj 22 mil 34 tlakamej.
8 Ikoneuan Bequer chiknauimej katkaj: Zemira, Joás, Eliezer, Elioenai, Omri, Jerimot, Abías, Anatot niman Alamet. Nochimej yejuamej in katkaj ikoneuan Bequer, 9 niman ijkon ken okinmijkuilojkej on familias niman on tlayekankej ipan infamilias, katkaj 20 mil doscientos tlakamej yejuan xmojkej.
10 Ikoneu Jediael katka Bilhán. Ikoneuan Bilhán chikomemej katkaj: Jeús, Benjamín, Aod, Quenaana, Zetán, Tarsis niman Ahisar. 11 Nochimej in yejuamej katkaj iuejkakoneuan Jediael niman tlayekankej katkaj ipan infamilias. Yejuamej katkaj tlakamej yejuan xmojkej niman ye ueliskiaj yaskiaj ipan nouisokilistli. Yejuamej katkaj 17 mil 200 tlakamej.
12 Ikoneuan Hir omemej katkaj: Sufam niman Hufam. On ikoneu Aher katka Husim.
Iuejkakoneuan Neftalí
13 Ikoneuan Neftalí yeyimej katkaj: Jahzeel, Guni, niman Jezer. Nochimej yejuamej in katkaj iuejkakoneuan Bilha.
Iuejkakoneuan Manasés
14 Ikoneuan Manasés yejuan okimpix iuan itlakpasiuau yejuan ualeua siria, omemej katkaj: Asriel niman Maquir yejuan itataj Galaad. 15 Maquir ononamiktij iuan Maaca yejuan kisa itech ifamilia Hufam niman Sufam. On yejuan ika ome ikoneu Maquir itoka katka Zelofead, yejuan san okimpix ikoneuan yejuan siuamej. 16 Maaca, isiuau Maquir, okipix ikoneu yejuan okitokayotij Peres. On ikniu Peres itoka katka Seres, niman ikoneuan intoka katkaj Ulam niman Requem. 17 Ikoneu Ulam itoka katka Bedán. Nochimej yejuamej in katkaj ikoneuan Galaad, iuejkakoneu Maquir, ikoneu Manasés.
18 Ikniu Maquir yejuan siuatl, itoka katka Amolequet. Ikoneuan Amolequet imintoka katka: Isod, Abiezer niman Mahala.
19 Ikoneuan Semida nauimej katkaj: Ahián, Siquem, Likhi niman Aniam.
Iuejkakoneuan Efraín
20-21 On iuejkakoneuan Efraín katkaj: Sutelah, ikoneu Bered; Bered, ikoneu Tahat; Tahat, ikoneu Elada; Elada, ikoneu Tahat; Tahat ikoneu Zabad niman Zabad, ikoneu Sutelah. Ézer niman Elad on oksekimej ikoneuan Efraín, oyajkej ipan iueyitlalpan Gat para okichtekitoj uakaxtin, pero on chanejkej Gat okinmiktijkej. 22 Efraín, intataj onajman miyek tonajli, niman okitakoj ifamilias okiyojtlalikoj. 23 Sakin iuan onotekak isiuau, niman yejua onokonean, niman okitlakatilij sen tlakakonetl yejuan okitokayotij Bería, pampa on ajmantli onkatka ne ipan on chanyotl*.
24 Seera, ichpoch katka Bería. Okinpeualtij on kalpanmej Bet-horón yejuan tlatsintlan niman Bet-horón yejuan tlakpak niman no on kalpan Uzen-seera.
25-27 On iuejkakoneuan Bería katkaj: Réfah, ikoneu Réset; Réset, ikoneu Télah; Télah ikoneu Tahán; Tahán, ikoneu Laadán; Laadán, ikoneu Amihud; Amihud, ikoneu Elisamá; Elisamá, ikoneu Nun niman Nun ikoneu Josué. 28 Intlaluan niman on kampa chantiyaj katkaj: Betel, Naarán kampaka ikisayan tonaltsintli, Gezer kampaka ikalakiyan tonaltsintli, niman Siquem, hasta Ayah. Chantiyaj impan nochimej in uejueyikalpanmej iuan iminkalpanuan pipitikej. 29 On iuejkakoneuan Manasés kipiyayaj inmak on uejueyikalpanmej Bet-sean, Taanac, Meguido niman Dor, iuan iminkalpanuan pipitikej. Ompa onochantijkej on iuejkakoneuan José, ikoneu Israel.
Iuejkakoneuan Aser
30 Ikoneuan Aser makuiltimej katkaj: Imna, Isúa, Isúi, Bería, niman no okipixkej imikniu Sera yejuan siuatl.
31 Ikoneuan Bería omemej katkaj: Heber niman Malquiel, itataj katka Birzavit.
32 Ikoneuan Heber nauimej katkaj: Jaflet, Semer, Hotam niman Súa iminikniu yejuan siuatl.
33 Ikoneuan Jaflet yeyimej katkaj: Pasac, Bimhal niman Asvat.
34 Ikoneuan Semer, ikniu Jaflet, yeyimej katkaj: Rohga, Jehúba niman Aram.
35 Ikoneuan Hotam, ikniu Semer, nauimej katkaj: Zofa, Imna, Seles niman Amal.
36 Ikoneuan Zofa matlaktlimej uan se katkaj : Súa, Hernefer, Súal, Beri, Imra,
37 Beser, Hod, Sama, Silsa, Itrán niman Beera.
38 Ikoneuan Jeter yeyimej katkaj: Jefone, Pispa niman Ara.
39 Ikoneuan Ula yeyimej katkaj: Ara, Haniel niman Rezia.
40 Nochimej in yejuamej katkaj iuejkakoneuan Aser. Yejuamej katkaj tlayekankej ipan infamilias, on yejuan más kuajkualtin niman xmojkej soldados, niman tlakamej yejuan más uejueyixtokej tlayekankej. ijkon ken tlajkuilolnestokej ipan on amamoxtli* de cada familia, katkaj 26 mil tlakamej, yejuan ueliskiaj yaskiaj ipan nouijsokilistli.