Iuejkakoneuan Leví yejuan tiopixkej
6
Ikoneuan Leví yeyimej katkaj: Gersón, Coat niman Merari.2 Ikoneuan Coat nauimej katkaj: Amran, Izhar, Hebrón niman Uziel. 3 Ikoneuan Amran yeyimej katkaj: Aarón, Moisés niman María. Ikoneuan Aarón nauimej katkaj: Nadab, Abiú, Eleazar niman Itamar. 4 Itataj Finees katka Eleazar, itataj Abisúa katka Finees, 5 itataj Buqui katka Abiusúa, itataj Uzi katka Buqui, 6 itataj Zeraías katka Uzi, itataj Meraiot katka Zeraías, 7 itataj Amarías katka Meraiot, itataj Ahitob katka Amarías, 8 itataj Sadoc katka Ahitob, itataj Ahimaas katka Sadoc, 9 itataj Azarías katka Ahimaas, itataj Johanán katka Azarías 10 (yejuan otekit ken tiopixki ipan on yektiopan yejuan Salomón okichijchiu ne Jerusalén), itataj Azarías katka Johanán, 11 itataj Amarías katka Azarías, itataj Ahitob katka Amarías, 12 itataj Sadoc katka Ahitob, itataj Salum katka Sadoc 13 Salum itataj katka Hilcías, niman itataj Hilcías katka Josadac, 14 niman itataj Josadac katka Seraías. 15 Josadac okuilijkej niman okuajkixtijkej ipan iueyitlalpan ijkuak toTEKO okintemaktilij on chanejkej de Judá niman Jerusalén para okinkuilijkej inueyitlalpan niman okinuikakej Babilonia itechkopa Nabucodonosor.
Iuejkakoneuan Leví
16 Ikoneuan Leví yeyimej katkaj: Gersón, Coat niman Merari.
17 Ikoneuan Gersón omemej katkaj: Libni niman Simei.
18 Ikoneuan Coat nauimej katkaj: Amram, Izhar, Hebrón niman Uziel.
19 Ikoneuan Merari omemej katkaj: Mahli niman Musi.
In yejuamej yejuan kintokayaj inuejkakoneuan on levitas iuan infamilias.
20-21 Iuejkakoneuan Gersón katkaj: Gersón itataj katka Libni, Libni itataj katka Jahat, Jahat itataj katka Zima, Zima itataj katka Joa, Joa itataj katka Ido, Ido itataj katka Zara, niman Zara itataj katka Jeatrai.
22-24 Iuejkakoneuan Coat katkaj: Aminadab itataj katka Coré, Coré itataj katka Asir, Asir itataj katka Elcana, Elcana itataj katka Ebiasaf, Ebiasaf itataj katka Asir, Asir itataj katka Tahat, Tahat itataj katka Uriel, Uriel itataj katka Uzías, niman Uzías itataj katka Saúl. 25-27 Iuejkakoneuan Elcana katkaj: Amasai niman Ahimot. Niman iuejkakoneuan Ahimot yejuan okistiajkej san itech sen tajtli, katkaj: Elcana itataj katka Zofai, Zofai itataj katka Nahat, Nahat itataj katka Eliab, Eliab itataj katka Jeroham, niman Jeroham itataj katka Elcana.
28 Ikoneuan Samuel omemej katkaj: Vasni on yenkuiyotl, niman Abías.
29-30 Iuejkakoneuan Merari katkaj: Mahli, niman Mahli itataj katka Libni, Libni itataj katka Simí, Simí itataj katka Uza, Uza itataj katka Simá, Simá itataj katka Haguía, niman Haguía itataj katka Asaías.
On yejuan nokuikatiskej ipan on tabernáculo* kampa nemi Dios
31 David kinteneua on yejuan tlayekanaskej ika on kuikatl ipan itabernáculo* toTEKO desde ijkuak ompa okitlalijkej on iyekcaja toTEKO. 32 Yejuamej notekimakaskej para kiyekanaskej on kuikatl ixpan on tabernáculo kampa nemi Dios hasta ijkuak Salomón okichijchiu iyektiopan toTEKO ne Jerusalén. Yejuamej saken ijki okichijkej ken David okinminnauatij.
33 Nikan kinteneuaj on tlakamej iuan inkoneuan yejuan otekitkej ipan on kuikatl. Hemán yejua intlayekankau katka on yejuan nokuikatiaj, yejuan kisa itech on familias de Coat. Inuejkatajuan katkaj: Joel, yejua katka ikoneu Samuel, 34 Samuel yejua katka ikoneu Elcana, yejua katka ikoneu Jeroham, yejua katka ikoneu Eliel, yejua katka ikoneu Toa, 35 yejua katka ikoneu Zuf, yejua katka ikoneu Elcana, yejua katka ikoneu Mahat, yejua katka ikoneu Amasai, 36 yejua katka ikoneu Elcana, yejua katka ikoneu Joel, yejua katka ikoneu Azarías, yejua katka ikoneu Sofonías, 37 yejua katka ikoneu Tahat, yejua katka ikoneu Asir, yejua katka ikoneu Ebiasaf, yejua katka ikoneu Coré, 38 yejua katka ikoneu Izhar, yejua katka ikoneu Coat, yejua katka ikoneu Leví, niman yejua katka ikoneu Israel.
39 Asaf yejuan ken kita Hemán, notelkejtsaya tlayekmakopa ijkuak tlayekanaya. Iuejkatajuan Asaf katkaj: Asaf itajta katka Berequías, Berequías itataj katka Simea, 40 Simea itataj katka Micael, Micael itataj katka Baasías, Baasías itataj katka Malquías, 41 Malquías itataj katka Etni, Etni itataj katka Zera, Zera itataj katka Adaía, 42 Adaía itataj katka Etán, Etán itataj katka Zima, Zima itataj katka Simei, 43 Simei itataj katka Jáhat, Jáhat itataj katka Gersón, niman Gersón itataj katka Leví.
44 Kampa iopochmakopa Hemán, notelketsaya ijkuak tlayekanaya Etan, yejuan ken kintaya on meraritas. Inuejkatajuan Etan katkaj: Etan itataj katka Quisí, Quisí itataj katka Abdí, Abdí itataj katka Maluc, 45 Maluc itataj katka Hasabías, Hasabías itataj katka Amasías, Amasías itataj katka Hilcías, 46 Hilcías itataj katka Amsi, Amsi itataj katka Bani, Bani itataj katka Semer, 47 Semer itataj katka Mahli, Mahli itataj katka Musi, Musi itataj katka Merari niman Merari itataj katka Leví.
48 On oksekimej iuejkakoneuan Leví okinmakakej on tlajtlamach* tekitl ne ipan on tabernáculo* kampa nemi Dios. 49 Pero Aarón niman iuejkakoneuan kitlatiayaj on uentli ipan on tlaixpan* kampa kitlatiayaj on uentli yejuan nochi tlajtla, niman no ipan on tlaixpan* kampa kitlatiayaj kopajli. Ijkon ken yotlanauatijka Moisés itekitkau Dios, no ijki yejuamej kichiuayaj nochi on tekitl ken noneki ne kampa Más Tlayekkan niman kichiuayaj uentli impampa intlajtlakoluan on israelitas.
50-53 Iuejkakoneuan Aarón katkaj: Aarón itataj katka Eleazar, Eleazar itataj katka Finees, Finees itataj katka Abisúa, Abisúa itataj katka Buqui, Buqui itataj katka Uzi, Uzi itataj katka Zeraías, Zeraías itataj katka Meraiot, Meraiot itataj katka Amarías, Amarías itataj katka Ahitub, Ahitub itataj katka Sadoc, niman Sadoc itataj katka Ahimaas.
Inuejueyikalpanuan on levitas
54 Yejuamej in katkaj on uejueyitlalpanmej kampa ochantikej iuejkakoneuan Aarón yejuan kisaj intech ifamilias Coat. Ifamilias Coat para okiminmajmakakej okichijkej sorteo. 55 Okinmakakej Hebrón, ipan iueyitlalpan Judá, iuan on kampa ueli kintlakuajkualtiayaj inyolkauan. 56 Pero Caleb, ikoneu Jefone, okimakakej on icampos on ueyikalpan iuan ikalpanuan pipitikej yejuan onkatkaj nisiu. 57 On iuejkakoneuan Aarón okiminmakakej in uejueyikalpanmej: Hebrón (sen ueyikalpan kampa nomanauiloyan), Libna, Jatir, Estemoa, 58 Hilén, Debir, 59 Asán niman Bet-semes. In kalpamej cada se kipiyaya kampa kintlakuajkualtiayaj inyolkauan. 60 No ijki, okiminmakakej in uejueyikalpanmej yejuan iyaxka* itribu* Benjamín: Geba, Alemet niman Anatot. Cada se okiminmakakej iuan on kampa kintlakuajkualtiayaj inyolkauan. Nochi on yejuan okiselijkej katka majtlaktli uan yeyi uejueyikalpanmej yejuan okinxejxelojkej iuan iclanes* para chantiskej.
61 On yejuan poliuiya ifamilia Coat okichijkej sorteo niman okiselijkej majtlaktli uejueyikalpanmej de itlajko tribu* Manasés. 62 Ikoneuan Gersón okiminmakakej majtlaktli uan yeyi uejueyikalpanmej de on itribus Isacar, Aser, Neftalí niman on itlajko tribu* Manasés ne kampa ikisayan tonaltsintli yejuan chantiyaj ipan iueyitlalpan Basán.
63 Ikoneuan Merari okiselijkej ikan suartes majtlaktli uan ome uejueyikalpanmej de itribus* Rubén, Gad niman Zabulón.
64 Ijkon tej, on israelitas okinmakakej on Levitas in uejueyikalpanmej iuan on kampa kintlakuajkualtiayaj inyolkauan. 65 On uejueyikalpanmej yejuan yokintenejkej okinmakakej on intribu* Judá, Simeón niman Benjamín. Cada se okichijkej ikan sorteo. 66 Sekimej iuejkakoneuan Coat okiselijkej ikan sorteo on uejueyikalpanmej iuan on kampa kintlakuajkualtiayaj inyolkauan, yejuan onkatkaj ipan iueyitlalpan itribu* Efraín. 67 No okimakakej: Siquem on uejueyikalpan kampa nomanauiloyan ipan itepeyo Efraín, Gezer, 68 Jocmeam, Bet-horón, 69 Ajalón niman Gat Rimot, iuan on kampa kintlakuajkualtiayaj inyolkauan.
70 Niman on oksekimej ifamilias Coat okiminmakakej on Levitas on ueyikalpanmej de Aner niman Bileam, de on itlajko tribu* Manasés ne kampa ikalakiyan tonaltsintli, iuan on kampa kintlakuajkualtiayaj inyolkauan.
71 On israelitas okinmakakej iuejkakoneuan Gersón ne ipan iueyitlalpan itlajko tribu* Manasés ne kampaka ikisayan tonaltsintli, on uejueyikalpanmej Golán ipan iueyitlapan Basán, niman iueyikalpan Astarot, iuan on kampa kintlakuajkualtiayaj inyolkauan. 72 Ipan iueytlalpan itribu* Isacar, okiselijkej: Cedes, Daberat, 73 Ramot niman Anem iuan on kampa kintlakuajkualtiayaj inyolkauan. 74 Ipan iueyitlalpan itribu* Aser, okiselijkej: Masal, Abdón, 75 Hucoc niman Rehob iuan on kampa kintlakuajkualtiayaj inyolkauan. 76 Ipan iueyitlalpan itribu* Neftalí, okiselijkej: Cedes ne Galilea, Hamón niman Quiriataim iuan kampa kintlakuajkualtiayaj inyolkauan. 77 On oksekimej iuejkakoneuan Merari okiselijkej on kalpanmej yejuan itribu* Zabulón: Rimón niman Tabor iuan on kampa kintlakuajkualtiayaj inyolkauan. 78 Ipan iueyitlalpan itribu* Rubén, kampaka ikisayan tonaltsintli de on río Jordán ixpan Jericó, yejuamej okiselijkej: Beser yejuan onkaj ipan on xalpatlajkan Jaza, 79 Cademot niman Mefaat iuan on kampa kintlakuajkualtiayaj inyolkauan. 80 Ipan iueyitlalpan itribu* Gad, okiselijkej: Ramat ne Galaad, Mahanaim, 81 Hesbón niman Hazer iuan kampa kintlakuajkualtiayaj inyolkauan.