Rut i

Buku nangkambelai Rut

Popailodoa

Jarita to laitulihi rara Buku Rut ei nadupa tempo to pobotuhidipi noparenta i Israel, poma naria magau. Buku Rut ei nampotutura bewa Alatala nampahiloi towe-Na pade nampakahalama Naomi lako hilaka to namparumpa'i habana momami naria anana to mopadola mulina. Kajadia-kajadia to laitutura rara buku ei nampahiloi ane moma naria PUE nangkalingani towe to laitipa-Na hi hira to natuwu bo to namate (2:20).

Laitutura mui rara buku ei bewa Alatala nantarima Rut nawali todea Israel pade nampatiroi'i naupa hia to rata lako ngata Moab, habana peparahayana hi Alatala. Aji, Magau Daud to laiote lako muli Rut ee koro muli to Israel moto'i, moma'i muli to Moab.

Rara buku Rut pade buku-buku Potipa to Nahae ntanina, hanga Alatala to laiuli-Na hi Musa laitulihi, ‘YHWH,’ laipatoli rara baha Moma nawali PUE. Hanga-Na ee mai laitulihi hante huruf to nabohe pura, nontani lako atu-Na to laitulihi, ‘Adonai’ to laipatoli rara baha Moma nawali Pue.

Ihi buku ei

1. Elimelekh humancou noencu rau i Moab (1:1-5)

2. Naomi pade Rut nanculi rau Betlehem (1:6-22)

3. Rut notomu hante Boas (2:1-23)

4. Rut pade Boas i poihea jelai (3:1-18)

5. Rut laipobangkele Boas (4:1-17)

6. Ulu jadi Daud (4:18-22)