Jisubí Yéːné Taniːkoném Ésaːmotoku
(Moti 9.1-8; Luk 5.17-26)
2
Longko-loːnyí lédupé, édílo Jisubí lékoda Kaparnaumpé gílattokun, bí okumdé dung émna taniyé kinto. 2 Édémpila bojéru:ngko taniyé gíkumsunamé ara:do dungko kagétomang, yabgo ruːyidoːsin bingkang, odo bí bulum Ru:nék agomém kíbito. 3 Odokké tani appiko, yéːné-taniːkoném joːbomna, taniːékké bíkkodoːpé gído. 4 Odokké taniyé bojébatsuːnammé bulu bík kéraːdoːpé gíala:tomang; bulu bík tayéngartok selabém kuryakto. Odokké édílo bulu arungko paːton, odo bulu yéːné taniːdém asuptéːtéːpé odok méilíkto. 5 Odokké édílo Jisubí buluk méːtinsunamdém kaːton, bí yéːné tani:dém luto, "Aoːa, nok imurém méːyinsubitagbo."6 Émpigeːla odo luro luyírné ékké tedla dungngai, bulu buluk aíém lusuto, 7 "Kapé séː amisé sémpé lukan? Sidé Ruːnémé lukaːnamméǃ Séːko imurém méːyinsubilaːdang, Ru:nébíːomíné?"
8 Bulu buluk asindo édémpé méːla dung émnamdém Jisubí bík yalodokki oddar kinto; édémpila bí bulum luto, "Nolu asin araːbo kapila édémbulumpé ménggoːladun? 9 Yéːné taniːdém okodém lupé lupoyaːdang, 'Nok imurém méːyinsubitagbo émnamdémyé, daropto, nok asubdém pirsanggeːla lambégítok émnamdé?' 10 Édémpila Tani:ké Aoːké mo:diso imurém méːyínsubila:nan ilang-gílangé dung émnamdém ngo nolum léngkanbiyé." Odo bí yéːné tani:dém luto, 11 "Ngo nom ludung, daropto, nok asubdém pirsanggeːla okumpé gíkangku."
12 Buluk kaːla duːdído taniːdé daropkang, bagémpé bík asubdém pirsanggeːla buluk appíngké kanggaːlo gílenkangku. Édém kaːla bulu appíːdé kangaksula Ru:némé luyitsuto, odokké luto, "Ngolu édílo:sin sémpinném kangkímangngai!"a
Jisubí Lebiːmé Gognam
(Moti 9.9-13; Luk 5.27-32)
13 Odok lédupé Jisubí lékoda paːtang ragodoːpé gílenkang; bottén kéréngkopé taniyé bíkkodoːpé gíkumsunamé, bí bulum luyírbito. 14 Bí lambégíla du:dodo, Alpauské ao Lebiːméb murkong urko tebuldo tedla du:dopé ka:to. Odo bí bím luto, "Ngok lédulo gímínto." Odo Lebiːbí darobgeːla bík lédulo gímínkang.
15 Édílo Jisubí Lebiːké okumdo apin dola dungngan, bojéruːngko murkong urnéla: imurnéc taniyé bík lédíloːla bíkkol luyírsunékídí:dok lédílo domínto, kapéné bojéru:ngko taniyé bík lédílo gímínka. 16 Odo luro luyírné ékké, séːkobulu Parosian, édílo bulu bím imurnékídí:doglaː murkong urnékídíːdok lédílo dojonsudopé kaːton, bulu bíkkol luyírsunékídí:dém tauto, "Kapila bí murkong urnékídí:doglaː imurnékídíːdok lédílo dojonsudang?"d
17 Édílo Jisubí édém tatsuton, bí bulum luto, "Sé:kobulu ésa:la duːji bulum kinam-kaːbiném lagimang, émpigeːla séːkobulu kila duːji bulum lagidag. Ngo arolok-duːnékídí:dém gokkolo gímang, émpigeːla imurnékídí:démpag gokkolo gídung."
Mennam Tayéːlo Taunamkídíng
(Moti 9.14-17; Luk 5.33-39)
18 Jonkolo luyírsunékídí:déːla Parosikídí:dé menna duːdom, longékoném tani:ékké gíla Jisumé tauto, "Kapila Jonkéla: Parosikídí:dokkol luyírsunékídí:dé mendang, odokké nokkol luyírsunékídí:dé menman?"
19 Jisubí bulum lulatsuto, "Midaːdokapé gíné mibokídí:dok lédílo midaːmagbodé duːdodo bulu menna duːdonei? Édíloːpé midaːmoné magbodé buluk lédílo duːmínyéji odoloːpé bulu mennama:yé. 20 Émpigeːla longéko aːyé édílo magbodém bulukkolokkém gípagboyékuji, odokké odo longédo bulu menyé.
21 Sé:kosin anu gayinki akun gayiném tapoli potagnamang. Séːkai potagnamílo, anudé busumsula akudém buyagoːyaːyé, odokké bedyakkodém bedyagoːmoyaːyé. 22 Odokké sé:kosin anu apongém aku suktam-pígéngkolo píla léːmang. Bí léːmílo, anu apoːdé suktamdém bugyagmoyé, odokké apongkídíːdé bitpagamyé, édémíːpé suktamdéːsin agerro angkuma:ye; édémpila anu apongém anu suktamno píla léːpénammé."e
Yoddo Longédok Tayéːlo Taunam
(Moti 12.1-8; Luk 6.1-5)
23 Yoddo longékolo Jisubí geu-aríkkolok gípatto. Bíkkol luyírsunékídí:dé bík lédíl gímíndoém, bulu geu tuːyíngém pírropto.f 24 Parosikídí:dé bím luto, "Kangkítok, Yoddo longélo okkom ipaːma:jig édém kapila bulu idun?"
25 Bí bulum lulatsuto, "Okkom Debidbí ikaːji édém nolu édíloːsinei pobeksukíman, édílo bí:la bík gíjonkídí:dé kénoːla donamko lagikan? 26 Abiatarbí abíngaryan mirípé iladuːdodo, kapé bí Ruːnék okum araːdo:pé gíaːla tosagla léːnam pitangém dokan, okodém dopamangngai, kapilaːné édém miríoːngé dopadaggai. Odokké bí bík gíjonkídí:démsin akkem bisuto."h