Moti
Motiké Tatpon Lutad
Lugot
Motiké tatpon lutatsé Jisubí pesula léːbinam Moturbikunédé émna lukanbidag, séːkkoki Ruːnébí Aku Luségdo bík taniːkídíːdém pesula léːbinamkídíːdém ilet-gíletto. Séː tatpon lutatsé Jiudi taniːkídíːdok légangoːpémang séːkobuluk araːlo bím ola duːtodakton, émpigeːla moːpísok appíng réngamké légangai.
Séː potinsém méːmila ako akopé airuːpé aidopé attag. Jisum onamdokké ada:la, bík baptis laːnamdémna bím ankaːnamdém lukanbitag odokké Galili:do bík lugoːbinam ager, luyírbinamkídíːdém odokké taniːyém ésaːmokunamém lukanbitag. Odok lédupé séː tatpon gomuksé Jisuk Galilidokké Jerusalemdoːpé gínam odokké léddarké loːníddok inam-gínamkídíːdém, okodé bím kurusdok pítkenam odokké bík lékod-turkunamdém adgabla léːtag.
Jisumé kinjubné luyírbiné kísapé séː tatpon lutatso kaːbegdag, séːkké Ruːnék Luroːdém lusarbinan ilang-gílangé dun, odokké séːko Ruːnék migomdokodok tayéːlo luyírbitag.
Tarungkídíng
Ope-négíng Potindéːla Jisum onam (1.1-2.13)
Jon Baptiské Agerkídíng (3.1-12)
Jisuk baptis laːnamdéːla bím ankaːnam (3.13-4.11)
Galiliːdo Taniːkanggaːpé Jisuk inam agerkídíng (4.12-18.35)
Galilidokké Jerusalemdoːpé Gínam (19.1-20.34)
Jerusalemdoːla odok kéraːdo léddarké loːníddé (21.1-27.66)
Ruːtumké Lékod-turkunamdéːla Léngkansukunamdé (28.1-20)