Mark
Markké Tatpon Lutad
Lugot
Ruːnéké Ao, Jisu Kiristoké tayéːlok tatpon lutaddé émna sé: tatpon lutad Marksém atsaːtag. Jisuké ilangéː kala ager gernamém séː potinso popasudag. Bík ilang-gílangé bík luyírnam tayéːlo, uí tayéːlo, odokké taniːlok imurém méːyinsubinam tayéːlo duːnamdém kaːbeksudag. Jisubí Taniːké Aoːdé émsudag odokké séːko taniyém paːblokké motubikunam légaːpé sibikang.
Margbí Jisuké luyírnamdémyang bí okkom ikan édémbulum adyaːtag. Jon, baptiské doːyingém aːndéngopé adnam lédupé bí Jisuké baptis laːnamdémnaː uiːké ankaːnamdém adgeːla Jisuké ésaːmokunam agerkídíːdém léngkanyaːtag. Attér puyudo Jisuké sinamémnaː sikodokké turkunam agomkídíːdém pobeksudag.
Tarungkídíng
Tatpon lutaddok Lennam (1.1-13)
Galiliːdo Jisuké Gernam ager (1.14-9.50)
Galilidokké Jerusalemdoːpé (10.1-52)
Jerusalemdok kéraːpélaː araːdo duːtérsunam loːníddo (11.1-15-47)
Jisuké Turkunam (16.1-8)
Turkuné Ruːtumké Tayéng-among gísangkunam (16.9-20)