Jaꞌa taꞌan en viko tandaꞌa io ñuu Caná xuun distritu Galilea
2
Ndu uni kii ío en viko tandaꞌa, ñuu nani Caná xuun Galilea, san j-nana Jesús io ña juan. 2 Kána ñaꞌan xi Jesús xiꞌin ndidaa tsa nchiko ñaꞌan xi ia viko kuan tuku. 3 San ndéꞌe vinu tinchiꞌio, san j-nana Jesús sadaa ña xi ia:—Ti io ka vinu tinchiꞌio xan.
4 San Jesús sadaa ia:
—Naku dakuu ni san vita saa ka x-ora da.
5 San j-nana ia sadaa ña xi ndidaa tsa xinokuachi:
—Kada ni ndidaa sa na taꞌvichiion chi.a
6 Io iñu kidi kaꞌnu sa sakoꞌon ndutsa, sa senchiion ndidaa judiu sa ndaꞌa tsa kuan duꞌua xu kuenchiion tsa sa ndada ndoo tsa mee tsa ndidaa tsa. Ndiden en kidi kaꞌnu yaꞌa xu kuaꞌa kuenta daguacientu adi daguacientu xiꞌin oko litro ndutsa. 7 Jesús sadaa ia:
—Dachitu ndutsa ndidaa kidi naꞌnu xan.
—Tagua vita san kuneꞌe kuaꞌan jnu tsa kida viko. San duꞌua kída tsa ndidaa tsa. 9 San kuenta xitotuni tsa kida viko kuan ndutsa nduu vinu, san ti xini tsa ami kee, kuan ndidaa ni tsa xinokuachi kuan xini, san kana tsa nuyee tandaꞌa 10 san sadaa tsa:
—Ndidaa ñayii diꞌna ka dakaa nduu vinu tinchiꞌio guaꞌa; san hora sa xiꞌi tsa kuaꞌa ntseꞌe, san danduu dakaa nduu tsa ndutsa tinchiꞌio sa ti guaꞌa. Doko yoꞌo choguaꞌa yo vinu tinchiꞌio guaꞌa xan ntsa danduu.
11 Jaꞌa ku diꞌnanuu señal kída Jesús Caná xuun Galilea, san dakini ñaꞌan ia sa tastuni ia; san ndidaa tsa nchiko ñaꞌan xi ia xíninchisa ñaꞌan tsa ndidaa tsa xi ia.
12 Tuꞌu jaꞌa san kunuꞌu ia xiꞌin j-nana ia ñuu nani Capernaúm,b xiꞌin ndidaa xani ia xiꞌin ndidaa tsa nchiko ñaꞌan xi ia; san ío ia uu kii jukua.
Duꞌua kída kuenta xiko Jesús ndidaa ñayii diko io xiti templu
13 Kuyachi viko pascuac ndidaa judiu, san Jesús kuaꞌan ia Jerusalén, 14 naníꞌi ia ndidaa tsa diko ndikutu, ndikachi xiꞌin data xiti templu, xiꞌin ndidaa tsa nadama tuini intsaku xiti templu. 15 San tuꞌu kidaguaꞌa ia en charrion, san kíneꞌe ia ndidaa tsa yaꞌa xiti templu, xiꞌin ndidaa ndikachi xiꞌin ndidaa ndikutu. Dakána ia s-tuini ndidaa tsa nadama tuini xiꞌin dakána ia j-mesa tsa ndidaa tsa. 16 San sadaa ia xi ndidaa tsa diko data:
—¡Kineꞌen ndidaa kitiaꞌa jaꞌa kuan xeꞌe ku Tata ntsu adi yaꞌvi kuu!
17 Danduu ndidaa tsa nchiko ñaꞌan xi ia nakáꞌan tsa sa yodotuni s-tutu ii Ndios sa kachi: “Ma ku yakui da kada sa kuiño sa saꞌa xeꞌe ni.”d
18 San sadaa ndidaa judiu:
—Na señal dadana ñaꞌan yo ndasa na danaꞌa sa io sa tastuni yo sa kida yo ndidaa jaꞌa?
19 Jesús sadaa ia:
—Datani ndidaa yo templu yaꞌa, san uni ni kii ndaneꞌe ntsu.e
20 San danduu kachi ndidaa judiu:
—Uvidiko iñu kuia kuguaꞌa templu yaꞌa, San yoꞌo ndada ndaa yo uni kii ña?
21 Doko templu ndaa ia s-toꞌon xi kuu xikikoño ia. 22 Juandiku kuenta nándoto ia sa xiꞌi ia, san ndidaa tsa nchiko ñaꞌan xi ia nákaꞌan tsa sa kachi ia san xíninchisa tsa sa yodotuni tutu ii xiꞌin ndidaa sa káꞌan Jesús.
Jesús xini ñaꞌan ia xi ndidaa ñayii
23 Neni ío ia Jerusalén kuenta kúu viko pascua, san kuaꞌa ntseꞌe ñayii xíninchisa ñaꞌan xi ia kuan xu kini tsa ndidaa señal xu kada ia. 24 Doko Jesús ti xu kininchisa ñaꞌan ia s-tsa ndidaa tsa, kuan xini ñaꞌan guaꞌa ia, 25 San nisa ti xu nandeꞌe sa kadaa en ñayii nasa kúu enka ñayii, kuan xu kiniguaꞌa ia nasa kuu sa sani-ini ndidaa ñayii.