Jesús tsandaꞌa ia uni diko uxi tsa nchiko ñaꞌan xi ia
10
Danduu Jesús ndineꞌe ia uni diko uxi ka tsa nchiko ñaꞌan xi ia, san tsandaꞌa ñaꞌan ia sa na kiꞌin tsa ubi ubi tsa ndideen ñuu xiꞌin veꞌe san kuee ka kiꞌin mee Jesús. 2 San sadaa ia:—Sa ndaa kuu, ndidaa ñayii yaꞌa ku kuenta en itu sa io sa nataꞌvi doko ñayii kadachiion nandeꞌe. Kaka, xi s-toꞌo itu, sa na tsandaꞌa ka tsa ñayii na kiꞌin ku kadachiion xuꞌun tsa. 3 ¡Kuaꞌan ndidaa yo! doko kunaꞌa san tsandaꞌa ñaꞌan ntsu yo na ndikachi xiti xi sa io ndikuaan. 4 Ma kuneꞌe yo mediu, nisa ñono, nisa nchisa, nisa en ñayii ma kaꞌan yo xi ichi kiꞌin yo. 5 San tu nayii yo en veꞌe san kadaa xi ndidaa ñayii io juan: “Ndios na taxi ia san na koo kadi ni ndidaa ni.” 6 Tu veꞌe yukua na kinimani ñaꞌan yo sa toꞌon kida sa na koo kadi ñayii koo jukua. Doko tu ma kuemani ñaꞌan yo san toꞌon kida sa koo kadi ñayii naxikokagua xiꞌin yo. 7 San ma ndinoo yo veꞌe xiꞌin veꞌe, kendoo eni veꞌe san koꞌo xiꞌin kaxi nasa nataj s-tsa yo kuan tsa kidachiion nitaꞌvi tsa sa niꞌi tsa xaꞌvi tsa. 8 San tu na saa yo en ñuu san na kinimani ñaꞌan ñayii yo kaxi nasa na taxi ñayii yo. 9 Ndada guaꞌa tsa kuꞌu xi io juan san kadaa: “Sa tastuni Ndios ñayii sa kuyachi.” 10 Doko tu dakaa ñuu ti nchu kini guaꞌa ñaꞌan yo, san ti kee ñuu yukua san kana: 11 “Ntsa deꞌe tiachi xuun ni ndidaa ni tantsaa saꞌa da na kidi da kuan ndasa na kini ni sa ti na taꞌan xanaa Ndios sa kida ni ndidaa ni. Doko kunaꞌa ni ndidaa ni, sa sa tastuni Ndios ñayii kuyachi.” 12 Kachitoꞌon ndaa ntsu yo, sa taꞌa ni kuu sa taꞌan Sodoma sa kuxi sa taꞌan ñuu ti nchu kunini ñaꞌan yo ndidaa yo.
Ndaꞌvi ñuu ti xininchisa ñaꞌan
13 Ndaꞌvi yoꞌo Corazín, ndaꞌvi yoꞌo Betsaida, kuan tu ndidaa sa naꞌnu kida ntsu yo na kada ntsu xi Tiro xiꞌin Sidón san nuyaꞌa naxikokagua nu nakuiꞌno nu doꞌno tona xiꞌin chido nu yaa d̶iki nu, ndasa nata-uꞌu nu. 14 Doko kii ndakakuachi san taꞌan ka yo sa kuxi Tiro xiꞌin Sidón. 15 San yoꞌo, Capernaúm kin, tuj yo sa kiꞌin ndaa yo andivi kuan ña? ñaꞌan ¡Kuan ntsa xiti antsaya daꞌvi yo!
16 Andu sa kunini ñaꞌan yo ndidaa yo san sakunini ñaꞌan ku ntsu; san andu ti nchu kunini ñaꞌan yo ndidaa yo san ntsuꞌu ti nchu kunini ñayii, san ti nchu kunini ñaꞌan xi ia tsandaꞌa ñaꞌan kuntsu ñuyii yaꞌa.
Naxikokagua ndi uni diko uxi tsa tsandaꞌa ia
17 San nasa ndii uni diko uxi tsa tsa ndaꞌa ia san ku-iꞌni ntseꞌe tsa san sadaa tsa:
—Toꞌo, ¡Ntsa ndeꞌe ndidaa tachi kuiꞌia seniꞌno ñaꞌan kuenta taꞌvichiion da sa na kee xiꞌin sa nani ni!
18 Sadaa Jesús:
—Jon, xini ntsu sakakuiꞌia koꞌio andivi kuenta en sa sandutsa. 19 Taj ntsu sa tastuni yo sa kadanar yo ndidaa sa xini uꞌu ñaꞌan san guaꞌani kuañuniꞌno yo koo xiꞌin dituyuku, san ma taꞌa yo nisadana. 20 Doko adi sa nandeꞌe ntseꞌe ka kuu juan san na kininchisa ñaꞌan tachi kuiꞌia yo, guaꞌa ka ku-iꞌni sa sa nani yo na kodotuni andivi.
Ku-iꞌni Jesús
21 San ora yukua ku-iꞌni ia kída Espíritu Santu san sadaa ia:
—Kida kaꞌnu ñaꞌan da jni Ta S-toꞌo andivi xiꞌin nuꞌu ya, kuan chiguaꞌa ni ndidaa sa guaꞌa yaꞌa xi ndidaa tsa xini xiꞌin ndidaa tsa kutuni xi san dadana ñaꞌan ni xi ndidaa ñayii ti kunaꞌnu. Dii, vi Taa, kuan duꞌua taꞌan xanaa ni.
22 Ndidaa sa io taxi ku Tata ntsu ku ntsu kuan ti en xini andu kuu Daꞌa tu adi Tata; sa nisa andu kuu Tata, tu adi Daꞌa xiꞌin andu nchu dadana ñaꞌan nu xi.
23 San naxikokagua ia na ntsaꞌa ia ndidaa tsa nchiko ñaꞌan xi ia san sadaa ia:
—Ku-iꞌni kuan guaꞌa ni tuu jnu yo ndidaa yo san xíni yo ndidaa jaꞌa... Guaꞌadiko ndidaa nduchi nuu xini sa xini yo ndidaa yo. 24 Kuan kachitoꞌon ndaa ntsu xo sa kuaꞌa ntseꞌe x-profeta Ndios xiꞌin rey nchoj tsa sa kini sa xini yo, san ti xíni tsa, xiꞌin kunini tsa sa nini yo san ti tsáku s-tsa.
Toꞌon dadaguataꞌan xiꞌin en tsa kuu ñuu Samaria
25 En tsa dakuaꞌa ñaꞌan ley xítotuni ñaꞌan tsa xi Jesús, san sadaa tsa:
—Toꞌo, nasa nchoxi sa kada da ndasa na niꞌi da ñuyii ma ndeꞌe?
26 San Jesús sadaa ia:
—Nasa yodotuni ley? Nasa kachi?
27 San tsa yaꞌa sadaa tsa:
—Kinimani yo Ndios xiꞌin nee xanaa yo xiꞌin nee x-alma yo xiꞌin ndidaa sa ndukuntsee yo xiꞌin nee sa xinituni yo; san kinimani xani staꞌan yo kuenta xinimani yo mee yo.
28 San Jesús sadaa ia:
—Guaꞌa ntseꞌe kachi ni. Kada ni jaꞌa sa ku nchito ni.
29 Doko tsa yaꞌa, nchu kendoo guaꞌa tsa, san ndukutoꞌon tsa xi Jesús ya:
—San andu kuu xani staꞌan da?
30 Ntsaꞌa ni ka, sadaa Jesús:
—En tsayee kee tsa Jerusalén san noo tsa ñuu Jericó, san kikagua tsa ndaꞌa ñaduꞌu san ñaduꞌu kaniaꞌa tsa san dita tsa d̶oꞌno tsa yaꞌa, san da takueꞌe ñaꞌan tsa san taꞌni ka sa kaꞌni ñaꞌan tsa. 31 San yaꞌia en dutu ichi yukua san xini ñaꞌan tsa san yaꞌia tsa san kuaꞌan tsa. 32 San duꞌua ni kída en tsa xinokuachi xeꞌe Ndios, xini ñaꞌan tsa san yaꞌia tsa san kuaꞌan tsa. 33 Doko yaꞌia en tsa io ñuu samaria ichi yukua, kuaꞌan tsa viaji, xini ñaꞌan tsa, san kunda-ini ñaꞌan tsa. 34 San kuyachi tsa chido tsa aceite xiꞌin vinu san naduku tsa sa takueꞌe san sakindodo ñaꞌan tsa sata burru tsa, san ntsaka ñaꞌan tsa kunuꞌu en veꞌe kendoo ndidaa ñayii yaꞌia ichi yukua san xito ñaꞌan tsa. 35 San nduu enka kii sadaa tsa xi s-toꞌo veꞌe yukua: “koto ñaꞌan ni s-tsa san tu vaa ka neyeka tsa sa ndij da san na chaꞌvi da ni.” 36 Daa tsa yaꞌa ndi uni tsa dadana ñaꞌan sa kuu xani staꞌan tsa kikagua ndaꞌa ñaduꞌu kuaan?
37 San tsa yaꞌa sadaa tsa:
—Tsa kunda-ini ñaꞌan s-tsa kuaan.
San Jesús sadaa ia:
—Kuaꞌan ni san duꞌua kada ni tuku.
Duꞌua taꞌan kuenta sáꞌan ia xeꞌe María xiꞌin Marta
38 Jesús kuaꞌan ia en ichi san saa ia en ñuu luchi san en nudeꞌe nani Marta sadaa nu sa na kendoo ia xeꞌe nu. 39 San nu yaꞌa io en x-kuꞌu nu nani nu María san María ya kukoo nu saꞌa Jesús ya, san nini ñaꞌan nu xi ia. 40 Doko Marta ndiꞌi ntseꞌe xanaa nu kuan io ntseꞌe x-chiion nu san saꞌan yachi nu jnu ia, san sadaa nu:
—Toꞌo, Naku ti sadaa ni xi x-kuꞌu da xan kuan ti chintsee ñaꞌan chi da ña? kada ni, sa na chintsee ñaꞌan chi d̶a.
41 Doko Jesús sadaa ia: