Tsa tsandaꞌa Juan tsa dakuendutsa ñaꞌan
11
Kuenta tuꞌu kaꞌan Jesús sa kada ndi uxi-uu tsa nchiko ñaꞌan xi ia, san kee ia kuaꞌan ia ku dakuaꞌa ñaꞌan ia xiꞌin ku kaꞌan ia xi ndidaa ñayii ndaꞌa ñuu io juan.2 San Juan tsa dakuendutsa ñaꞌan kaniꞌni tsa vekaa san nitoꞌon tsa sa kida Cristu, san tsandaꞌa tsa uvi tsa nchiko ñaꞌan s-tsa sa io ia, 3 ndasa na ndukutoꞌon tsa:
—Dini kuu tsa tsandaꞌa Ndios sa kada sa nanitaꞌvi da ndidaa da, ña kuntsatu da xi enka tsa?
4 San sadaa Jesús:
—Kuaꞌan sa kadaa xi Juan ndidaa sa xini yo xiꞌin sa tsaku xo: 5 Tsa kuaa nduguaꞌa jnu tsa, tsa yakua ndinoo tsa, tsa tsaꞌyuniꞌno x-koño xi ndundoo tsa, tsa doꞌo tsaku s-tsa,a tsa xíꞌi nandoto tsa, san ndidaa ñayii ku ndaꞌvi kaꞌan toꞌon guaꞌa yaꞌa xi.b 6 Guaꞌadiko ñayii ti dandoo sa xininchisa ñaꞌan ku ntsu.
7 San neni kunuꞌu tsa yaꞌa, san Jesús kesaꞌa ia kaꞌan ia andu kuu Juan xi ndidaa ñayii:
—Nasa sáꞌan yo ntsaꞌa yo ndidaa yo desiertu kuan? En tsayee diꞌntsa ndee en ndo dakanda tachi ña? 8 Andu sáꞌan yo ntsaꞌa yo tuda? en tsayee niꞌno doꞌno guaꞌa ña? Ñaꞌan, kuan ntsaꞌa ka, tsa niꞌno doꞌno guaꞌa io tsa x-palaciu rey. 9 Andu sáꞌan yo ntsaꞌa yo tuda? En x-profeta Ndios ña? ¡Jon, kachi ntsu san kaꞌnu ka tsa sa kuxi en x-profeta Ndios! 10 Nu yaꞌa kuu sa kachi sa yodotuni:
Tsandaꞌa ntsu tsa neꞌe ku toꞌon ntsu diꞌna ka sa kuj xo,
nu na danuna ichi kiꞌin yo ndasa na ku nini ñayii toꞌon kaꞌan yo.c
11 Kachitoꞌon ndaa ntsu sa ti ndukoo en nu kaku xi ñadeꞌe kaꞌnu ka sa kuxi Juan tsa dakuendutsa ñaꞌan ya. Doko nu yiki ntseꞌe ka io sa tastuni Ndios, nuyaꞌa kaꞌnu ka nu sa kuxi Juan ya.
12 Ntsa kuenta io Juan tsa dakuendutsa ñaꞌan xiꞌin ntsa kii vita, ndidaa ñayii kaꞌan sa tastuni Ndios taꞌan ntseꞌe, san ndidaa ñayii kii d̶iki xi ti nchoxi sa kaya. 13 Kuan antika sa kixi Juan tsa dakuendutsa ñaꞌan, ndidaa x-profeta Ndios xiꞌin ley káꞌan tsa sa taꞌan ndidaa kii vita.d 14 San tu nchu kininchisa yo ndidaa yo, san Juan kuu Elías kachi sa kixi.e 15 Nu io d̶oꞌo xi san na kunini.
16 Doko, andu ndee ndidaa ñayii io vita? Ndee nu ndidaa nu kuachi intsaku jnu yaꞌvi san kana nu xi ndidaa ka nu mani xiꞌin nu, 17 san sadaa nu: “Tívi ntsu flauta, san ti xitasaꞌa yo; san ndaꞌvi ntseꞌe tívi ntsu san ti ndaꞌyu yo.” 18 Kuan kíxi Juan, san ti saj s-tsa san nisa ti xiꞌi tsa vinu, san kachi yo: Tachi kuiꞌia ñoꞌon tsa. 19 San vaxi ia nduu ñayii ñuyii yaꞌa, san kuu nu en ñayii xiꞌi vinu xiꞌin saxi, san kachi yo ndidaa yo: En nu tikayoo kaꞌnu xiꞌin nu xini kuu nu, nu nakuaka taꞌan xiꞌin ndidaa nu dataka tuini sa kuxi Roma xiꞌin nu nakuaka taꞌan xiꞌin ndidaa ka ñayii io x-kuachi xi. San duꞌua ndidaa ñayii kutuni xi dadana ñaꞌan nchisa sa kutuni xi.
Ndaꞌvi ñuu ti xininchisa ñaꞌan
20 Danduu kesaꞌa ia kaꞌan den ia xi ndidaa ñayii io ñuu kída ia kuaꞌa ntseꞌe milagru, kuan ndidaa ñayii yaꞌa ti na ta-uꞌu nchisa, san sadaa ia:
21 ¡Ndaꞌvi yoꞌo Corazín! ¡Ndaꞌvi yoꞌo Betsaida! kuan tu ñuu Tiro xiꞌin ñuu Sidóng na kada ntsu ndidaa sa naꞌnu kída ntsu sa io yo, san nakuvita nata-uꞌu ñayii yukua jnu Ndios, san nakuiꞌno ñayii doꞌno tonf xiꞌin kuntsaku niꞌno tsa ndidaa tsa xiti yaa. 22 Doko kachi ntsu sa kii ndakakuachi sakuni ku kuu sa taꞌan ñuu Tiro xiꞌin ñuu Sidón sa kuxi sa taꞌan yoꞌo ndidaa yo. 23 San yoꞌo ñuu Capernaúm kin, sani-ini yo sa nuꞌu ndaa yo jnu Ndios ña? ¡Ñaꞌan, kachi ntsu sa ntsa sa kono ntseꞌe antsaya kuaan noo yo!h Kuan tu ñuu Sodomai na kada ntsu ndidaa sa naꞌnu kída ntsu sa io yo, san io daa ñuu yukua ntsa vita naku. 24 Doko kachi ntsu xo sa kii ndakakuachi, sakuni kuu sa táꞌan Sodomaj sa kuj xo.
Naꞌa sa io ntsu ya san ndexavi
25 San kii yukua sadaa Jesús xi Ndios:
—Kida kaꞌnu ñaꞌan da jni vi Taa, S-toꞌo andivi xiꞌin nuꞌu, kuan chiguaꞌa ni ndidaa jaꞌa xi tsa kutuni xi xiꞌin tsa sakuituni xanaa xi, san sadaa ni xi ndidaa ñayii kuu kuenta nuliin. 26 Dii vi Taa, kuan duꞌua taꞌan xanaa ni.
27 Ndidaa ndituꞌu sa io ya táxi ku Tata ntsu ku ntsu.k Nisa en ñayii ti xini ndaa andu kuu ntsu, meni ku Tata ntsu xini andu kuu ntsu. Ti en xini ndaa andu kuu ku Tata ntsu, meni ntsuꞌu xini ndaa andu kuu Tsal xiꞌin andu nchu kadaa ntsu xi. 28 Naꞌa sa io ntsu ndidaa yoꞌo nu xavi xiꞌin nchido, san ntsuꞌu kada sa ndexavi yo. 29 Kunchido ku kiuku ntsu, san kutuꞌua sa kida ntsu, kuan vita ntseꞌe ku kuanaa ntsu xiꞌin ti iꞌni ntsu, san niꞌi yo sa ndexavi x-alma yo.m 30 Kuan ku kiuku ntsu ti vixi sa kuneꞌe, san guaꞌa ni kunchido yo kuan ti vee.