Jeremia
Gbauŋ nwa yɛla
Wina'am da gaŋ Jeremia la'am nɛ on da pʋ bɔɔd ye o an nɔdi'es la. Jeremia da mɔr Wina'am labaar la kɛn Juda nidibin Jerusalem tempʋʋgin na. Nidib da pʋ bɔɔd labakanɛ ka o yɛt la, ka o zɔt dabiem ye ba na kʋ o (11:18-23). O da pian' tis Wina'am o yɛla la an si'em (12:1-4). O da sa'al nidib la nɛ nimmua ye ba dataas na nyaŋi ba ka mɔri ba yii ba mɛŋ teŋin. Gbauŋ la naarin nɛ'ɛŋa sid da niŋ ya (Zug 52). Jeremia mɛ da yɛli ba ye yʋma pisyɔpɔi (70) nya'aŋ, ba na yi ban bɛ zin'isi'a la lɛbi ba mɛŋ teŋin na ka Wina'am lɛn maal teŋ la sʋ'ʋŋa ya'as. O mɛ da gɔsid linɛ bɛ tuon sa, saŋa kanɛ ka o nidib la na ti baŋi ba sʋnya ni ban na dɔl o nɛ sida si'em (31:31-34).