Azaya
Gbauŋ nwa yɛla
Azaya da mɔr Wina'am labaar la keŋ Juda nidibin la. O da sa'al nidib la nɛ nimmua ye ba fɛndigim ka basi ba tʋʋmbɛ'ɛd ka Wina'am da tɛɛgi ba tʋbirɛ (Zut 1-39). O mɛ da pian' saŋkanɛ ka nidib la na ti an yammis Babilon ka kpɛmisi ba ye ba mɔr ti'ir bɛog sa (Zut 40-66). Wina'am kʋ tami ba yɛllɛ, ka lɛɛ bas nɔɔr ye o na tis Na'apaal na ka o na sʋ'ʋgʋ ba saŋa kanɛ kae bɛnɛ, onɛ an Mazaya la. Zanbina bɛdegʋ bɛɛ pa'an ye Mazaya la na an Wina'am tʋmtʋm ka na namis ka kpi ye o faaɛn o nidibi ba tʋʋmbɛ'ɛdin (Zut 52:11—53:12). Yesu da pin'il o tʋʋma la, o da pian' pian'abanɛ bɛ 61:1-2 la. Li mɛ kaanbi zi'el ye Wina'am na maal si'el wʋsa ka li an bʋmpaala (Zut 65:17-25).