MATIUS
1
Yesus pung go mlena walasrang
1-17 Iram Yesus pung go tang, mlena walasrang ngge kalik gabe. Nemot ngga, babu Daut go danon, asi Ablaham sik so pung go duo. Se senong! Ablaham sik so i go, e... Daut no pung go, mlena 14 yam so. Ngge kalik gabe:
Ablaham
Ablaham lo tui go, Isak.
Isak lo tui go, Yakop.
Yakop lo tui go, Yehuda ey ntatonnang ey. a
Yehuda lo tui go, Peres nggano Serak, unen Tamar logo tete.
Peres lo tui go, Kesron.
Kesron lo tui go, Ram.
Ram lo tui go, Aminadap.
Aminadap lo tui go, Nakson.
Nakson lo tui go, Salmon.
Salmon lo tui go, Boas, nemot go unen: Rahap.
Boas lo tui go, Obet, nemot go unen: Rut.
Obet lo tui go, Isay.
Isay lo tui go, Iram Daut.
Daut sik so i go, e... Israel saula nan Babel sono betep go nogo, mlena 14 yam so.
Daut lo tui go, Salomo, Uria senun dam golo tui go.
Salomo lo tui go, Rehabiam.
Rehabiam lo tui go, Abia.
Abia lo tui go, Asap.
Asap lo tui go, Yosapat.
Yosapat lo tui go, Yoram.
Yoram lo tui go, Usia.
Usia lo tui go, Yotam.
Yotam lo tui go, Akas.
Akas lo tui go, Hiskia.
Hiskia lo tui go, Manase.
Manase lo tui go, Amon.
Amon lo tui go, Yosia.
Yosia lo tui go, Yekonya ey ntatonnang ey.
Ku ngganemot no Babel sono blung Israel mo tega.
Tandali Babel sik so e... Sesuoy Iram Yesus tui go ku nogo, mlena 14 yam dali so. Ngge kalik gabe:
Yekonya lo tui go, sedue denok Sealtihel.
Sealtihel lo tui go, Serubabel.
Serubabel lo tui go, Abihut.
Abihut lo tui go, Elyakim.
Elyakim lo tui go, Asor.
Asor lo tui go, Sadok.
Sadok lo tui go, Akim.
Akim lo tui go, Eliut.
Eliut lo tui go, Eleasar.
Eliasar lo tui go, Matan.
Matan lo tui go, Yakop.
Yakop lo tui go, Yusup Maria so iti go.
Maria lo Yesus gabe tui.
Yesus ngga Sesuoy Iram so gabe pu.
Sesuoy Iram Yesus tui go nogo nebut
18 Iram Yesus tui go nebut, ngge kalik gabe: kabung kaguit meno gemang. Nemot go sui Maria. Maria ngge Iram Yesus go unen. Baynang-a demening Yusup ey pu go, no, nin-senun sogo maning kua dok, ngga ey tapmasi maning kua uwet go. No, Maria ba nogo duo-a Ki Wali Waglo go don lo gemang lemoy. 19 Yusup dem, Ki Wali Iram go suongku nogo, dabui seni eygo sedue. Ngganemot sogo so Maria eygo baynang tong genang tap dabui ba lo duing-ton, ibe nogo senun go sui waluk genang kua pen-srenawon. 20 No, kunala so maning duing-ton gono, sedi so Yusup mit no Woy Wali Iram go tamot-a gemang pung. Ngga ey, Wali tamot ngga lo gemang pu, “Daut go mlena walasrang no pung go, Yusup dem! Maria wip ey dok genang, suali kua! Maria go Duo ngga, Ki Wali Waglo go don lo iti go gemang. 21 Se senong! Kuklue piam konkebamling go don sik sogo, Nemot go blung sesuoy genang, Sedue denok-a mea tui-yun. Ngganemot sogo so Nemot go sui Yesus so se temuit-lo!” b
22-23 Maria duo iti go ngga, Ki Wali Iram go nebut lemoy genang so. Banim no Woy Wali Iram lo pu goso ngge kalik nabi lo mo klik gabe,
“Sedue denok-a duokaguit ngganemot lo mea tui-yun.
Nemot nogo sui: ‘Imanuel’ so mea temuit.” (Yesaya 7:14)
Nemot go seni: Ki Wali Iram ey klay goso, imot gabe.