Sura ni Yohanes Paramulana
Popamulana
Mantutu to niuli nu to Karasitee impia, sura ni Yohanes paramulana ei nitulisi-na ri ngata Efesus. Tempo ee natuamo i Yohanes.
Sintou potulisi ni Yohanes sura ei, naria topepatuduki-topepatuduki to tado nakono ranca-ra nopatuduki tou ante pepatuduki to nasala. Isira mbii nanguli kakono-konona i Kristus ee tado najadi sadua manusia, kawule tari ngkola-Na ewa sadua manusia. Niuli mbii-ra nou madaa inggu-ta, tado mangkia, apaa wule koro ngkola-tada to nadaa, agiana wao-ta nabelo. To mamala mamate aga woto ngkola. I Yohanes nanguli sumawee to nipepatudukii-ra nasala. Niuli mbii ni Yohanes i Yesus ee-mo Ana nu Allatala to najadi manusia. Ande nincani-tamo Allatala, inggu-ta kana ewa Ia mbii. Batuana, meuntu-tamo mowia jeko, ta-tutu sumawee parenta-Na pade ikita matuwu mombepotowe.
Patuju nu sura ei nitulisi mamala ta-basa ri rara 1 Yohanes 5:13, to nanguli ewa ei: “Sura ei nitulisi-ku si komi to neparisaya ri Allatala bona mi-ncani bakote nitarima-mimo tuwu liu-liu ee.” Ri rara sura ei mamala ta-basa basangkia ngaya pampetonondi bo pepopatora to mampakaroso rara-ta, bona ta-ncani bakote nitarima-tamo tuwu liu-liu ee. Ande ikita meparisaya si Pue Yesus, tadomo maeka-ta mamei ri ngayo nu Allatala.
Isi nu buku ei
Lolita pamulana (1:1-4)
Ikita natida ri rara kabaasa nu Allatala (1:5-2:27)
Ande ta-ncanimo Allatala meuntu-tamo mowia inggu to nadaa pade kana ta-tutu parenta-Na (1:5-2:17)
Niparisaya-ta bakote i Yesus ee Mbagou Topepakasalama to najadi manusia to nitipa nu Allatala (2:18-27)
Ikita ei ana-ana nu Allatala (3-4:6)
Ingguta tado nasimbei ante inggu nu ana-ana Mbagou nu Seta.
Niparisayata ande i Yesus eemo to Pepakasalama to najadi manusia.
Towe pade peparisaya
Ikita kana mombepotowe sadua bo sadua (4:7-5:5)
Ta-parisaya bakote i Yesus ee-mo Ana nu Allatala to namate bona mambei-ta tuwu liu-liu (5:6-12)
Patuju nu sura ei (5:13)
Lolita kaopuana (5:14-21)